Iver Magnussen Hesselberg
- Sjå òg Iver Hesselberg (II)
Iver Magnussen Hesselberg (4. november 1762–26. januar 1838) var ein skipper, offiser og eidsvollsmann frå Larvik. Han var far til Magnus Hesselberg.
| Iver Magnussen Hesselberg | |||
| Fødd | 4. november 1762 Larvik | ||
|---|---|---|---|
| Død | 26. januar 1838 (75 år) | ||
| Statsborgar av | Noreg | ||
| Parti | Sjølvstendepartiet | ||
| Yrke | Skippar og gardbrukar | ||
| Barn | Magnus Hesselberg | ||
| Verv | Medlem av Riksforsamlinga på Eidsvoll | ||
| Alle verv |
| ||
Hesselberg var son av ein kjøpmann og skipsreiar. Han vart tidleg foreldrelaus og arbeidde som sjømann. Berre fem år gammal, skal han ha vore på sin fyrste sjøtur. Under krigen mot Sverige i 1788 var han nestkommanderande på ein galei som støtta hæren under landgang i Båhuslen.
Etter krigen 1788 byrja Hesselberg i koffardifart, fram til 1805 var han skipper. Under krigen mot England mista han skipet sitt. Elles var han då seksjonssjef i kystvernet.
I 1801 kjøpte han garden Brekke i Tjølling i Vestfold og busette seg der. Her dreiv han eit skipsbyggeri. Han var elles medlem av forlikskommisjonen i bygda i mange år.
Hesselberg var i 1814 1. utsending frå Larvik grevskap til riksforsamlinga på Eidsvoll. Han stemte truleg med Sjølvstendepartiet.
Han døydde på garden sin i Tjølling i 1838.
Kjelder endre
- Tallak Lindstøl: Stortinget og Statsraadet, Kristiania, 1914. B. 1 D. 1 : Biografier A-K digital utgåve side 372
- Iver Magnussen Hesselberg frå Eidsvoll 1814
- Biografisk informasjon om Iver Magnussen Hesselberg NSD Norsk senter for forskningsdatas politikararkiv