Jørgen Amdam
Jørgen Einar Amdam (fødd 29. april 1945 i Ørskog) er ein norsk skulemann og politikar, kjend for sine arbeid om organisasjonsteori og regional politikk.
| Jørgen Amdam | |
| Statsborgarskap | Noreg |
| Fødd | 29. april 1945 (78 år) Ørskog |
| Yrke | professor |
| Verv | Rektor ved Høgskulen i Volda |
| Periode | 2007-2011 |
| Føregangar | Gunnar Stave |
| Etterfylgjar | Per Halse |
Amdam er utdanna ved Norges Landbrukshøgskole til jordskiftekandidat i 1970. I 1974 tok han dr.scient.-graden. Han vart tilsett ved dåverande Møre og Romsdal distriktshøgskule, Volda og Møreforsking i 1973. I 1994 vart han utnemnd til professor i samfunnsplanlegging same staden. Amdam var rektor ved Høgskulen i Volda i perioden 1. august 2007 til 31. juli 2011.
I perioden hausten 2015 til hausten 2019 var Amdam ordførar i Volda kommune, der han representerte Arbeidarpartiet.
Jørgen Amdam er bror til professor Roar Amdam.
Utgjevingar endre
- Strategisk og mobiliserande planlegging : kommuneplanlegging etter dugnadsmetoden (Samlaget, 1990). Med Roar Amdam
- Teorier om samfunnsplanlegging (Universitetsforlaget, 1991). Med Noralv Veggeland
- Kommunikativ planlegging (Samlaget, 2000). Med Roar Amdam
Bakgrunnsstoff endre
- Publikasjonar av Jørgen Amdam i forskingsdokumentasjonssystemet Cristin
- Publikasjonar av Jørgen Amdam i BIBSYS