Jaguar

pattedyrart
Jaguar
Jaguarhann
Jaguarhann
Jaguarhoe
Jaguarhoe
Utbreiing og status
Status i verda: NT Nær trugaUtbreiinga av jaguar
Utbreiinga av jaguar
Systematikk
Underrekkje: Virveldyr Vertebrata
Klasse: Pattedyr Mammalia
Orden: Rovpattedyr Carnivora
Underorden: Feliformia
Familie: Kattefamilien Felidae
Underfamilie: Pantherinae
Slekt: Store kattedyr Panthera
Art: Jaguar P. onca
Vitskapleg namn
Panthera onca

Jaguaren (Panthera onca) er eit stort kattedyr som lever i heile Latin-Amerika. Han vert rekna som det amerikanske motstykket til leoparden, men er større og tyngre og manglar evna til å brøla.

Jaguar i Argentina.
Foto: Lea Maimone

Ordet jaguar kjem frå tupi-guarani jaguara, eit namn som opphavleg blei brukt om alle store rovpattedyr.[1]

Skildring endre

Jaguaren liknar ein leopard, men er større og tyngre. Han er som regel gulbrun med svarte flekkar, er 110-190 cm lang og veg frå 55 til 120 kg. Heilt svarte jaguarar (pantrar finst òg.

Levevis endre

Jaguaren trivst best i tett vegetasjon med lett tilgang til vatn, men ein kan treffa på han i dei fleste biotopar i det store utbreiingsområdet, som går frå Mexico i nord til Patagonia i sør.

Kosthaldet til jaguaren består hovudsakleg av store til mellomstore pattedyr, fuglar og krypdyr. Han er òg flink til å fanga fisk. Jaguarar lever og jaktar åleine, og trass i at dei er dyktige klatrarar, fangar dei helst byttet sitt på bakken.

Jaguarar søker berre selskapet til artsfrendar i paringstida. Kvar ho føder mellom to og fire ungar, som veg opp mot ein kilo ved fødselen. Dei heldt seg med mora til dei vert kjønnsmogne i toårsalderen.

Kjelder endre

  1. «jaguar, n.», OED Online, Oxford University Press, June 2016 
  • Verdens dyr, Cappelen 1985
  • Vår forunderlige verden, Skandinavisk Presse AS 1990
  • Engelsk wikipedia

Bakgrunnsstoff endre