Jean Heiberg
Jean Hjalmar Dahl Heiberg, kjend som Jean Heiberg, (19. desember 1884–27. mai 1976) var ein norsk biletkunstnar frå Oslo. Han arbeidde i fyrste hand med måleri, men også med bilethogging.
| Jean Heiberg | |
 | |
| Statsborgarskap | Noreg |
| Fødd | 19. desember 1884 Oslo |
| Død | |
| Yrke | kunstmålar, bilethoggar, designar |
| Far | Hjalmar Heiberg |
| Ektefelle | Agnes Heiberg, Sigri Welhaven |
Frå 1905 budde Jean Heiberg i Paris og fekk der nære inntrykk av dei nye kunstretningane fauvisme og kubisme, og frå 1908 til 1910 var han som den fyrste av ei lang rekkje norske målarar elev hjå Henri Matisse. Før han flytta til Paris hadde han budd og studert i München, og før det hadde han fått utdanning i Oslo. I 1912 flytta han frå Paris og budde ei tid heime i Noreg før han reiste til Italia og var der i åra 1913-14. Frå 1919 og ti år framover budde han igjen i Paris. I åra mellom og etter desse lengre utlandsopphalda budde og arbeidde han i Noreg. Frå 1935 til 1955 var han lærar på Statens Kunstakademi i Oslo, frå 1946 var han også direktør der.
Kjelder endre
- Jesper Engelstoft (hovudredaktør): Gyldendals leksikon over moderne nordisk kunst
Denne kunstartikkelen som har med Noreg å gjere, er ei spire. Du kan hjelpe Nynorsk Wikipedia gjennom å utvide han.
