Joachim Grieg
Joachim Grieg (19. desember 1849–7. desember 1932) var ein norsk forretningsmann og politikar frå Bergen.
| Joachim Grieg | |
| Statsborgarskap | Noreg |
| Fødd | 19. desember 1849 Bergen |
| Død |
7. desember 1932 (82 år) |
| Yrke | politikar |
| Språk | norsk |
| Politisk parti | Frisindede Venstre, Samlingspartiet |
Joachim Grieg var nevø av komponisten Edvard Grieg. Han vart skipskaptein i 1874, og deltok som førar av skipet «Vøringen» i den norske nordhavsekspedisjonen 1876–78. 1. januar 1884 grunnla han si eiga skipsmeglar- og frakteforretning i Bergen. Då broren Halfdan trådde inn i 1920, fekk ho namnet Joachim Grieg & Co. I 1898 oppretta han ein filial i Kristiania.
Grieg var frå 1886 medlem av bystyret i Bergen, og var med i styret for Den Nationale Scene. Han hadde òg verv i Harmonien. I 1919 kjøpte han Troldhaugen av Nina Grieg, enka etter Edvard Grieg. I 1925 overdrog han eigedommen til Fana kommune.
1906–1909 representerte han Bergen på Stortinget, for Samlingspartiet. I 1904 var han medlem av konsulatkomiteen, og i 1907 var han delegert for Noreg ved fredskonferansen i Haag. I 1913 var han medlem av komiteen som skulle førebu den tredje Haag-konferansen, og etter fyrste verdskrigen vart han medlem av ein komite som skulle reie ut spørsmål vedkomande Folkeforbundet.
Utmerkinger endre
Grieg var portugisisk visekonsul frå 1882. Han var riddar av 1. klasse av St. Olavs Orden.
Kjelder endre
- Salmonsens konversationsleksikon. Anden Udgave, bind X, s. 124 [1]
- Utdjupande artikkel om Grieg i NBL, skriven av Atle Thowsen.
Bakgrunnsstoff endre
- Biografisk informasjon om Joachim Grieg NSD Norsk senter for forskningsdatas politikararkiv