Kahurangi nasjonalpark

(Omdirigert frå Kahurangi National Park)

Kahurangi nasjonalpark er ein nasjonalpark nordvest på SørøyaNew Zealand. Parken vart oppretta i 1996, og har eit areal på 4 520 km². Han er den nest største av dei fjorten nasjonalparkane på New Zealand, og vart danna ut frå den tidlegare North-west Nelson Forest Park.

Kahurangi nasjonalpark
nasjonalpark
Land  New Zealand
Region Tasman
Kart
Kahurangi National Park
41°06′43″S 172°14′10″E / 41.112°S 172.236°E / -41.112; 172.236
Wikimedia Commons: Kahurangi National Park

Kahurangi Point, som vert rekna som grensa mellom West Coast og Tasman, ligg i parken, det same gjer fottur-ruta Heaphy Track og Mount Owen.

Parken vert administrert av Miljøverndepartementet, Department of Conservation. Fotturar, rafting og grotteklatring er populære aktivitetar i parken. Etter å ha vore forbode i mange år, vart terrengsykling tillate på Heaphy Track[1] på prøvebasis for vintrane 2011, 2012 og 2013. I kor stor grad syklinga er til ulempe for fotturistane og dyrelivet, vil avgjera om forsøket vil halda fram eller ikkje.

Vernetiltak endre

I tillegg til dei pågåande vernetiltaka til Miljøverndepartementet, er der ein privat samskipnad som tek sikte på «å gjennomføra, i samarbeid med Miljøverndepartementet, ein strategi for å ta vare på eller føra attende trua flora og fauna i nedslagsfeltet til Flora Stream i Kahurangi National Park. Dette vil gje ei rikare oppleving for alle som vitjar dette populære området, og føra til auka verdsetjing og bruk av parken.»[2] «Samskipnaden har no om lag 30 kilometer med fangstlinjer, med feller med 100 meters mellomrom. Eit utryddingsprogram for veps er også på plass. Overvaking av fuglar står òg på foreininga sitt program.»[3]

 
Dracophyllum i Kahurangi National Park

Sjå òg endre

Kjelder endre

Referansar
  1. «Heaphy Track mountain bike trial» (PDF). Department of Conservation Nelson/Marlborough. Desember 2010. 
  2. «Our Mission». Motueka: Friends of Flora Inc. 
  3. «Tourism working with conservation». Motueka: Bush & Beyond. 

Bakgrunnsstoff endre