Kakelinne

Kakelinne, også kalla lefsetøvêret, lefsetøyra eller bryggjardøgri, er ei nemning som vart brukt om ein mildvêrsperiode som ofte kom i desember. Tidlegare vart det sagt at dette mildvêret kom av all fyringa i samband med steiking av julekakene, og det vart naturleg nok varmast heilt i slutten av julestrida, ved tomasmesse.

Årsaka til éin eller fleire mildvêrsperiodar er naturleg. Det er vanleg at temperaturen stig forbigåande éin eller fleire gonger i løpet av desember. Det er slik at november, desember og nokre gonger litt av januar er ein overgangsperiode der atmosfæren forsøkjer å stille seg om frå haust til vinter. Dette inneber ein del forskyvingar mellom mild luft frå sørvest og kald luft som vert danna over kontinenta og Arktis.

Sjå òg

• Hundedagane
• Indian summer

Kjelder

• «Kakelinne Arkivert 2010-05-14 ved Wayback Machine.» på MetLex, innhenta 18. desember 2009 (lisensiert under CC-BY-SA).