Kapp Arkona
Kapp Arkona er eit nes på øya Rügen i Mecklenburg-Vorpommern i Tyskland. Det ligg på tuppen av halvøya Witte, berre eit par kilometer nord for Jasmund nasjonalpark.
Tempelfestninga på Arkona var eit religiøst og politisk senter for det slaviske fyrstedømet Rügen tidleg i mellomalderen. Tempelet var tileigna guden Świętowit, som var biletgjort med fire hovud. Tempelet husa eit orakel, som var ein kvit hingst der oppførselen hans avgjorde fred og krig. I dag står om lag berre ein fjerdedel av festninga att sidan kalkgrunnen som det vart bygd på sakte har erodert bort i Austersjøen. Eit redningsprosjekt er sett i gang for å redde resten av festninga.
I 1168 vart Arkona øydelagd av danske invasjonsstyrkar. Den hendinga skjedde før den påtvungen kristninga av innbyggjarane i området.
Det står i dag to gamle fyr på neset. Det eine er bygd i 1827, det andre i 1902. Det eldste av dei er òg det eldste fyret som framleis eksisterer i Austersjøen. Det vart bygd av den vidkjende arkitekten Karl Friedrich Schinkel.
I 1927 gav neset namn til det tyske linjeskipet SS «Cap Arcona».
Før den tyske gjenforeininga var neset det nordlegaste punktet i Aust-Tyskland, kalla Gellort.
Bakgrunnsstoff endre
Wikimedia Commons har multimedia som gjeld: Kapp Arkona
Kjelde endre
- Denne artikkelen er basert på ei omsetjing av artikkelen Cape Arkona frå Engelsk Wikipedia .