Karoline Breivang
Karoline Charlotte Dyhre Breivang (fødd 10. mai 1980) er ein norsk handballspelar frå Oslo som sidan 2005 har spela for Larvik Håndballklubb. Ho vart europacupmeister med klubben i 2008 og er sju år på rad (2006-12) seriemeister. Breivang har i perioden 2004-12 vunne fire EM-gull, to OL-gull og eitt VM-gull med Noregs handballandslag. Mellom 2000 og august 2012 har ho spela 254 landskampar og skåra 421 landslagsmål.
| Karoline Breivang | |
|
| |
| Statsborgarskap | Noreg |
| Fødd | 10. mai 1980 (43 år) Oslo |
| Idrett | handball |
| Tok del i | |
Aktiv endre
Breivang spela for Stabæk då ho hausten 2000 vart teken ut på det norske kvinnelandslaget i handball til EM 2000. Her fekk ho sin landslagsdebut mot Ungarn den 30. november. Med fleire ferske landslagsspelarar på laget kom Noreg på sjetteplass i meisterskapen. Hennar neste store meisterskap var EM 2004, der Noreg gjekk heilt til topps. Ho spela for Stabæk fram til sommaren 2005, då ho melde overgang til Larvik HK.
Sidan 2004 har Breivang vore med i Noregs tropp til alle meisterskap, no fram til 2012. Desse åra vann ho EM-gull i 2006, VM-sølv i 2007, både OL- og EM-gull i 2008, VM-bronse i 2009, det fjerde rake EM-gullet i 2010, sitt fyrste VM-gull i 2011 og sitt andre OL-gull i 2012.
Merittar landslag endre
- EM 200: Nr 6 med Noreg
- EM 2004: Gullmedalje etter 27–25 mot Danmark
- VM 2005: Nr 9 med Noreg
- EM 2006: Gullmedalje etter 27–24 mot Russland
- VM 2007: Sølvmedalje etter 24–29 mot Russland
- OL 2008 i Beijing: Gull etter norsk siger 34-27 over Russland
- EM 2008: Gullmedalje etter 34–21 mot Spania
- VM 2009: Bronsemedalje etter 26–21 mot Spania
- EM 2010: Gullmedalje etter 25–20 mot Sverige
- VM 2011: Gullmedalje etter 32–24 mot Frankrike
- OL 2012: Gullmedalje etter 26–23 over Montenegro
- EM 2012: Sølvmedalje etter 31–34 mot Montenegro
- VM 2013: Nr 5 med Noreg
- EM 2014: Gullmedalje etter 28–25 mot Spania
Kjelder endre
- Denne artikkelen bygger på «Karoline Breivang» frå Wikipedia på bokmål, den 23. juli 2012.
Bakgrunnsstoff endre
- Spelarprofil på Handball.no
- (en) Karoline Breivang – Profil og resultatoversikt i olympiske konkurransar på sports-reference.com.