Kirsten Brosbøl
Kirsten Brosbøl (fødd 14. desember 1977 i Odder) er ein dansk sosialdemokratisk politiker. Ho var medlem av Folketinget 2005–2019 og miljøvernminister i Danmark i 2014–2015.
| Kirsten Brosbøl | |||
 | |||
| Fødd | 14. desember 1977 (46 år) Odder | ||
|---|---|---|---|
| Statsborgar av | Kongeriket Danmark | ||
| Parti | Socialdemokratiet | ||
| Yrke | politikar | ||
| Utdanna ved | Roskilde Universitet University of Sussex | ||
| Medlem | Uddannelses- og Forskningsudvalget | ||
| Alle verv |
| ||
Liv og virke endre
Brosbøl vaks opp i Odder som dotter av muraren og skomakaren Lars Peter Brosbøl og sjukepleiaren Bente Skødt Jensen. Ho gjekk amtsgymnaset i Odder og tok mastergrad i freds- og konfliktstudium ved University of Sussex i 2003 og kandidatgraden i statsvitskap ved Roskilde Universitetscenter i 2005.[1]
Brosbøl var praktikant og rådgjevar for dei danske sosialdemokratane i Folketinget og Europaparlamentet 2001–2005. I 2005 blei ho vald inn i Folketinget frå Århus amtskrins, som etter strukturreformen i 2007 inngjekk i Østjylland storkrins. Ho har vore Socialdemokratiet sin ordførar for forsking og høgare utdanning, matvarer og likestilling. Ho har vore medlem av den parlamentariske forsamlinga til Europarådet.[1] Ho tilhøyrer krinsen rundt Mette Frederiksen.[2] Hüseyin Arac møtte som varamedlem av Folketinget då Brosbøl var i barselspermisjon i 2010–2011.[3][4] Brosbøl var miljøvernminister i den andre regjeringa til Helle Thorning-Schmidt 2014–2015.[1] I 2017 sa ho frå seg attval ved neste folketingsval.[5]
Kjelder endre
- ↑ 1,0 1,1 1,2 «Kirsten Brosbøl (S)» (på dansk). Folketinget. Henta 10. mars 2019.
- ↑ Ritzau (3. februar 2014). «Overraskelse: Kirsten Brosbøl bliver ny miljøminister». Jyllands-Posten (på dansk). Arkivert frå originalen 8. september 2014. Henta 11. august 2014.
- ↑ Petersen, Hans (1. oktober 2010). «Kirsten Brosbøl er gravid og tager orlov». Århus Onsdag (på dansk). Arkivert frå originalen 12. august 2014. Henta 11. august 2014.
- ↑ «Hüseyin Arac (S)» (på dansk). Folketinget. Henta 10. mars 2019.
- ↑ Balslev, Jesper (14. desember 2017). «Kirsten Brosbøl fylder rundt: Østjyden er klar til at forlade Folketinget». Århus Stiftstidende (på dansk). Henta 16. juni 2019.
- Denne artikkelen bygger på «Kirsten Brosbøl» frå Wikipedia på bokmål, den 11. mars 2024.