Kjell Gjerseth
Kjell Gjerseth (fødd 14. september 1946) er ein norsk politisk aktivist (AKP), journalist og forfattar.
| Kjell Gjerseth | |
| Statsborgarskap | Noreg |
| Fødd | 14. september 1946 (77 år) |
| Yrke | journalist |
| Språk | norsk |
| Politisk parti | Arbeidernes kommunistparti |
Gjerseth var først aktiv i Unge Høgre, i 1965 som formann i Rogaland Unge Høgre, men gjekk ut derfrå i protest mot Vietnamkrigen. Han vart så aktiv i AKP(m-l) og følgde i linja til 1976 partiet om selvproletarisering som industriarbeid ved Jøtul. Som fagforeiningsaktiv vart han i 1976 landskjent som leiar for ein seks vekers ulovleg streik på Jøtul og året etter som ein av AKParane som var delegatar til LO-kongressen i 1977.
Gjerseths politiske aktivisme dreidde sidan i retning journalistikken og han byrja som journalist i partiavisa Klassekampen. Gjerseth engasjerte seg sterkt i solidaritet med Afghanistan etter den Sovjetiske okkupasjonen av landet i 1979, eit engasjement han har halde på sidan. Den politiske aktivismen på ytste venstre fløy skaffa Gjerseth merksemd frå Politiets tryggingsteneste og han vart overvakt frå 1976 av. Gjerseth vart i 2003 tilkjent 20 000 kroner i erstatning for den delen av POTs overvåkning som var ulovleg.
Gjerseth studerte først journalistikk. I 1972 tok han hovedfag i sosiologi ved Universitetet i Oslo med hovudoppgåva Konflikt – kommunikasjon: en rapport om unge sosialklienter tilknyttet «stoffmiljøene» i Oslo sentrum, deres tradisjon og forhold til Ungdomskontorets Uteseksjon. Han var, i ei tid før han vart industriarbeidar, lektor ved det som då heitte Distriktshøgskolen i Volda.
Gjerseth har òg arbeidd som journalist i Stavanger Aftenblad. Han har lang røynsle frå ulike konfliktområde. Under den første Gulfkrigen var han den einaste norske journalisten som vart igjen i Bagdad. Han har vore framtredande blant motstanden til norske kulturarbeidarar mot USAs angrep på Afghanistan og okkupasjon av Irak, m.a. som bidragsytar i antikrigs-antologien Pax Poeta Det Norske Samlaget 2003.
I 1983 utgav Gjerseth sin hittil einaste roman, Chakoo, frå Afghanistan under den sovjetiske okkupasjonen. For boka fekk han Tarjei Vesaas' debutantpris.
I 1968 var Gjerseth redaktør i studentavisa Universitas.
Bibliografi endre
- Utviklingen forstår oss ikke : Ei bok om «generasjonsmotsetninger» – sakprosa, Gyldendal Norsk Forlag (1974) ISBN 82-05-06757-0
- Chakoo – roman, Forlaget Oktober (1983) ISBN 82-7094-389-4
- Jorda rundt på 80 dager – sakprosa (1993) (illustrert av Per Dybvig)
- Hvis du ikke er snill. Historier om Lindøy – sakprosa (2005)
Prisar endre
- Tarjei Vesaas' debutantpris 1983, for Chakoo
- Narvesenprisen 1983
Kjelder endre
- Nedrebø, Rune (30. januar 2003). «Kjell Gjerseth får erstatning for ulovlig overvåking». Stavanger Aftenblad: 5.
- Vaage, Lars (1981). Rogaland Høyre 60 år. Stavanger: Rogaland Høyre.
- «Kjell Gjerseth 60 år». Stavanger Aftenblad: 41. 14. september 2006.
- Denne artikkelen bygger på «Kjell Gjerseth» frå Wikipedia på bokmål, den 15. oktober 2017