Knut Vartdal
Knut Vartdal (1. april 1887–10. mars 1959) var ein norsk fiskar, fiskebåtreiar, organisasjonsmann og ordførar. Han var fødd på Søre-Vartdal i Vartdal kommune, no Ørsta, på Sunnmøre.
| Knut Vartdal | |
| Statsborgarskap | Noreg |
| Fødd | 1. april 1887 |
| Død | |
Knut Vartdal tok til som fiskar som 16-åring. 24 år gamal var han skipper under sildefiske og selfangst.
I 1922 grunnla han Vartdal Fiskeriselskap A/S. Saman med fem brør, som var skipperar på båtane, bygde han dette selskapet opp til å verte eit av dei største fiskerireiarlaga i landet. Knut Vartdal var første formann i representantskapet i Storsildlaget. I mange år var han formann i styret for Noregs Sildesalslag. Saman med Georg Garshol og Hans O. Vindenes stod han bak skiping av Fiskebåtredernes Forbund, seinare Fiskebåt, organisasjonen til den havgåande fiskeflåten. Vartdal var første formann i Fiskebåtredernes Forbund, frå starten i 1946 til han omkom i 1959.
Knut Vartdal var ordførar i Vartdal kommune 1937-1942. Då vart han avsett under krigsstyresmakta. Han fungerte på nytt frå krigsslutt til nytt val vart halde.
Han vart i 1950 utnemnd til Riddar av 1. klasse av St.Olavs Orden. Han vart og tildelt medalje frå Selskapet for de Norske Fiskeriers Fremme.
Knut Vartdal omkom i bilulukke i 1959. Ved heimen hans på Vartdal har Fiskebåtredernes Forbund reist ein bauta.
Kjelder endre
- Harald Kjølås: Bulldosaren i norsk fiskeri i 100 år 100 navn Personer som har preget hundreåret på nordvestlandet Sunnmørsposten Forlag 2000
- Harald Grytten:Fisk og Forbund, Festskrift til Fiskebåtredernes forbund 1946 - 1996 Fiskebåtredernes Forbund 1996. ISBN 82-993729-0-9