Kompot
Kompot eller compot er ein søt drikk frå Aust- og Sentral-Europa. Han blir laga ved å koka frukt eller bær i ei stor mengd vatn, ofte saman med sukker eller anna søtemiddel. Ein kan også tilsetja smaksstoff som kanel eller vanilje. Både frisk og tørka frukt kan brukast.[1]
Tillaginga minner om den til kompott, men til kompot er det væska som er viktigast. Ho kan vera svært søt, så ein blandar henne ofte ut med vatn.[2] Drikken kan serverast varm eller kald.[1]
Variantar endre
Uzvar endre
Uzvar eller vzvar er ein ukrainsk nasjonaldrikk som ein lagar av ulike typar tørka frukt og bær.[3] Han blir ofte søta med honning, og kan ha krydder som kanel, stjerneanis og muskat. Uzvar er ein tradisjonell juledrikk. Ein kan servera drikken saman med kornretten kutja.[3]
Sjå òg endre
Kjelder endre
- ↑ 1,0 1,1 «Kompot – Russiapedia Of Russian origin», russiapedia.rt.com, henta 8. oktober 2019
- ↑ «Kompot – popular Russian fruit or berry drink», russia-travel-guide.com, henta 8. oktober 2019
- ↑ 3,0 3,1 «Uzvar, Ukraine National Cuisine - Recipes, Pictures, Info.», ukrainefood.info (på engelsk), henta 8. oktober 2019