Kudos

Kudos, frå gresk κύδος kydos, bokstaveleg 'det som er høyrt om', er eit ord som spesielt vert bruka innan nettsjargong for å gje ros eller lovord for ei handling.

Ordet vart bruka i engelsk studentslang tidleg på 1800-talet. Etter siste sekelskifte er ordet òg bruka på norsk, spesielt innan nettsjargong, ofte synonymt med poeng når brukarar skal evaluere kvarandre.

I samanheng med artiklar som gjeld nettfenomen, er uttrykket òg bruka i norsk avisspråk.