Landon Donovan

Landon Donovan
Personleg informasjon
Fullt namn	Landon Timothy Donovan
Fødd	4. mars 1982
Fødestad	Ontario i USA
Høgd	173 cm
Posisjon	Midtbane, ving, spiss
Klubbinformasjon
Noverande lag	Los Angeles Galaxy
Nummer	10
Ungdomsklubbar
1999; 1999-2001	IMG Soccer Academy ; Bayer Leverkusen
Seniorkarriere*
Landslag
	* Seniorklubbkampar og mål berre telt for nasjonal liga og oppdatert 8. mai 2010; ‡ Landslagsmål oppdatert 2. april 2010

Landon Timothy Donovan (fødd 4. mars 1982 i Ontario i California) er ein amerikansk fotballspelar som har spela for Los Angeles Galaxy i den amerikanske proffligaen Major League Soccer, og for det amerikanske landslaget.

I 1999 vart Donovan kåra til beste spelar i U17-VM. Etter dette skreiv han under for den tyske klubben Bayer Leverkusen. Han var under kontrakt med Leverkusen i seks år, fram til 2005, men i tre år av denne tida var han lånt ut til San Jose Earthquakes i USA. I 2005 vende han tilbake til den amerikanske ligaen på permanent basis, då han skreiv under for Los Angeles Galaxy. Han vart toppskårar i MLS i 2008. Etter dette har han òg vore lånt ut til Bayern München i Tyskland i tre månader i 2009, og til Everton i ti veker i 2010. Under opphaldet i Everton vart han kåra til månadens Everton-spelar i januar.

Donovan er toppskårar gjennom tidene for USA sitt landslag, og er per 2010 den aktive spelaren som har flest landskampar for USA. Han debuterte for A-landslaget til USA 25. oktober 2000 i ein kamp mot Mexico og skåra i debutkampen. Han tok del i fotball-VM i 2002, der han skåra to mål og vart kåra til beste unge spelar i turneringa. Han tok òg del i fotball-VM i 2006. Han spelte sin landskamp nummer 100, 8. juni 2008, berre 26 år gammal.