Llaima er ein av dei største og mest aktive vulkanar i Chile. Han ligg 82 km nordaust for Temuco og 663 km søraust for Santiago, innanfor Conguillío nasjonalpark.

Llaima
vulkan
Snøkjegla på Llaima
Land  Chile
Region La Araucanía-regionen
Provins Cautín-provinsen
Fjellkjede Andes
Stad Melipeuco og Vilcún
 - høgd 3 125 moh.
 - Primærfaktor 1 819 m
 - koordinatar 38°41′45″S 71°43′54″W / 38.69583°S 71.73167°W / -38.69583; -71.73167
Vulkantype Stratovulkan
Siste utbrot 5. april 2009
Kart
Llaima
38°41′51″S 71°43′50″W / 38.697407°S 71.730445°W / -38.697407; -71.730445
Wikimedia Commons: Llaima

Geografi endre

Toppen av Llaima består av to toppar. Den lågaste heiter Pichillaima, ligg kring 2920 meter over havet og er langt mindre markant enn den høgare nordtoppen.[1]

Middelhøgda i terrenget kring Llaima er om lag 740 moh.[1]

Denne vulkanen og vulkanen Sierra Nevada ligg kring Conguillíosjøen. Fjellsida vert drenert av elvane Captrén, Quepe og Trufultruful.[1] Dei førstenemnde er sideelvar til Rio Cautín og sistnemnde munnar ut i Rio Allipén.

Utbrot endre

Llaima er ein av dei mest aktive vulkanane i Chile og har ofte, men moderate utbrot. Llaima har vorte dokumentert sidan 1600-talet og har fleire fråskilde episodar med moderate og eksplosive utbrot, og stundom lavastraumar. Det siste store utbrotet i 1994.[2]

Eit utbrot den 1. januar 2008 førte til at hundrevis måtte evakuere frå nærliggande landsbyar. Ei røyksøyle på kring 3000 m vart observert. Ein amatør fanga dei tidlege fasane av utbrotet på film.[3] Den vulkanske oska frå Llaima dreiv austover over Andes og inn i Argentina. Oskefall vart registrert i området kring Zapala i Neuquén-provinsen, og førte til at fly til og frå Presidente Perón lufthamn nær byen Neuquén.[4] Den 2. juli 2008 førte utbrotet til ei ny evakuering av 40 personar frå ein 15 km brei eksklusjonssone.[5]

Eit utbrot vart observert den 5. april 2009 med pyroklastiske straumar, oske og lava i fjellsida.

Fritid endre

Skisenteret Las Araucarias ligg på vestsida av vulkanen.

Galleri endre

Kjelder endre

  1. 1,0 1,1 1,2 (spansk) Sernageomin. «Volcán Llaima». Arkivert frå originalen 29. april 2007. Henta 12. januar 2014. 
  2. «Chile volcano forces evacuations». BBC. January 2, 2008. 
  3. Volcan LLAIMAYouTube
  4. «Cancelan vuelos en el aeropuerto de Neuquén por la erupción en Chile del volcán Llaima». Clarín. January 2, 2008. 
  5. «Chile ski station evacuated as volcano erupts». Yahoo!News. July 2, 2008. 

Bakgrunnsstoff endre