Magne Johansen
- For andre tydingar av oppslagsordet, sjå politikaren Magne Johansen.
Magne Johansen (fødd 18. januar 1965) i Trondheim er ein norsk tidlegare skihoppar. Han var med på det norske laget som vann VM-sølv i lagkonkurransen i stor bakke i Lahti i 1989. Frå noregsmeisterskapane fekk han med seg fire sølvmedaljar, alle i normalbakken, samt ein bronsemedalje.
| Magne Johansen | |
| Statsborgarskap | Noreg |
| Fødd | 18. januar 1965 (59 år) Trondheim |
| Idrett | skihopping |
| Tok del i | |
Karriere endre
Johansen debuterte i verdscupen i Lahti i mars 1987. Han slo ikkje heilt gjennom i internasjonale renn, ein fjerdeplass i St. Moritz i 1992 var hans beste plassering. Nasjonalt overraska han med å vinne sølvet under NM i normalbakken i 1988, berre overgått av Erik Johnsen. Dei beste sesongane hans var frå 1989 til -92. Under VM i Lahti fekk han ikkje hoppe i nokon av dei individuelle tevlingane, men var med på laget som vann VM-sølvet bak Finland. Clas Brede Bråthen, Ole Gunnar Fidjestøl og Jon Inge Kjørum var dei andre på laget. Beste individuelle VM-plassering var ein 13. plass under skiflygings-VM i Harrachov i 1992, same sesongen vart han nummer 18 i storbakken under OL i Albertville. Johansen var aktiv på toppnivå frå 1987 til 1993. Han tevla for Leknes SK, Meldal IL og Byåsen IL, og var med i treningsgruppa til Trønderhopp.
Medaljar og besteplasseringar i internasjonale meisterskap og renn endre
- 1987: Nr 14 i Lahti (debut)
- 1989: Nr 7 i Holmenkollen og i Örnsköldsvik
- Ski-VM 1989: Sølvmedalje lag i Lahti
- 1990: Nr 5 i Örnsköldsvik
- 1992: Nr 4 i St. Moritz
- 1993: Nr 18 i Oberstdorf
Medaljar og besteplasseringar i noregsmeisterskap endre
- Ski-NM 1987: Sølvmedalje lag i Steinkjer
- Ski-NM 1988: Sølvmedalje i normalbakken i Skien
- Ski-NM 1989: Sølvmedalje i normalbakken i Vikersund
- Ski-NM 1990: Sølvmedalje i normalbakken på Fluberg, bronsemedalje i storbakken i Meldal
- Ski-NM 1991: Nr 8 i storbakken i Bærum
- Ski-NM 1992: Sølvmedalje i normalbakken i Molde
- Ski-NM 1993: Nr 8 i storbakken på Odnes
Han la opp i 1993.
Bakgrunnsstoff endre
- (en) Magne Johansen – Profil og resultatoversikt hos FIS
- Magne Johansen i olympedia.org