Mazara del Vallo

Mazara del Vallo er ein by i provinsen Trapani sørvest på Sicilia i Italia med om lag 50 000 innbyggjarar. Byen ligg på venstre sida av munningen til elva Mazaro.

Mazara del Vallo
Piazza della Repubblica i Mazara del Vallo Piazza della Repubblica i Mazara del Vallo
Plassering
Styresmakter
Land Region Provins	Italia Sicilia Trapani
Grunnlagd	800-talet fvt.
Geografi
Flatevidd  - By	275 km²
Innbyggjarar  - Totalt (2001)    - folketettleik	50 377   175/km²
Koordinatar	37°39′N 12°35′E
Høgd over havet	8 m
Diverse annan informasjon
Postnummer	91026
Telefon-retningsnummer	0923
Nettstad: www.comune.mazara-del-vallo.tp.it

Byen er eit jordbruks- og fiskesenter med ei hamn som gjev ly til ein av dei største fiskeflåtane i Italia.

Historie

Mazara vart grunnlagd av fønikarar på 800-talet fvt. med namnet Mazar. Han kom i tur og orden inn under grekarane, kartagarane, romarane, vandalane, austgotarane, austromarane, før han vart erobra av arabarar i 827. Under den arabiske perioden vart Sicilia delt inn i tre administrative regionar, Val di Noto, Val Demone og Val di Mazara, og byen vart eit viktig senter for handel og utdanning. Sentrum av byen, kalla Kasbah, har framleis mykje av særpreget sitt frå denne perioden.

I 1072 vart Mazara erobra av normannarane leia av Roger I.

Etter at keisar Fredrik II gjekk Sicilia til Angevin, etterfølgd av spanske Aragon. Aragonperioden (1282-1409) var ei nedgangstid for Mazara, både politisk, økonomisk og folketalsmessig. Byen kom inn under Savoie i 1713, men regjeringstida deira varte berre fem år før austerrikarane overtok (i 16 år) og til slutt overtok Bourbon. I 1860 vart byen erobra av Giuseppe Garibaldi og Mille og kom så inn under Kongedømet Italia.

Bakgrunnsstoff

Wikimedia Commons har multimedia som gjeld: Mazara del Vallo

Reiseguide for Mazara del Vallo frå Wikivoyage

• Historia til Mazara del Vallo Arkivert 2005-11-10 ved Wayback Machine.

Kjelder

• Denne artikkelen bygger på «Mazara del Vallo» frå Wikipedia på engelsk, den 6. januar 2008.