Mehmet Scholl
Mehmet Tobias Scholl, fødd Yüksel, (fødd 16. oktober 1970) er ein tysk tidlegare fotballspelar og seinare fotballtrenar frå Karlsruhe. Han vart europameister med Tyskland i 1996. Med Bayern München vann Scholl, som var midtbanespelar, både UEFA-cupen 1996, Meisterligaen 2001, åtte ligameisterskap og fem nasjonale cuppokalar.
 Mehmet Scholl i 2011 | |||
| Personleg informasjon | |||
|---|---|---|---|
| Fullt namn | Mehmet Tobias Scholl | ||
| Fødd | 16. oktober 1970 (53 år) | ||
| Fødestad | Karlsruhe i Vest-Tyskland | ||
| Høgd | 177 cm | ||
| Posisjon | Midtbanespelar | ||
| Seniorkarriere* | |||
| År | Lag | Kampar | (Mål) |
| 1989-1992 | Karlsruher | 58 | (11) |
| 1992-2007 | Bayern München | 338 | (98) |
| Totalt | 392 | (98) | |
| Landslag | |||
| 1995-2002 | Tyskland | 36 | (7) |
| * Seniorklubbkampar og mål berre telt for nasjonal liga | |||
Klubbspel endre
Scholl spelte på Karlsruhe SC fram til 1992. Sidan var han Bayern München-spelar til han la opp i 2007. Frå 1994 til 2006 var han som midtbanespelar med å vinne bundesligaen åtte gongar. I mai 1996 skåra han i begge UEFA-cupfinalane mot Girondins Bordeaux, eit oppgjer som Bayern vann med 2-0 borte og 3-1 heime. Tre år seinare var han innbytar då Bayern tapte meisterligafinalen 1999 med 1-2 mot Manchester United. Høgdepunktet som Bayern-spelar kom 23. mai 2001 då laget vann Meisterligaen 2001 gjennom ei straffesparktevling.
Landslagsspel endre
I tida 1995-2002 deltok Scholl i 36 landskampar og skåra 8 mål. Han var med i Fotball-EM 1996, ei turnering der han i finalen vart bytta ut mot Oliver Bierhoff, midtspissen som med sine to mål snudde kampen til tysk siger 2-1. Ein skade gjorde Scholl uaktuell til verdsmeisterskapen 1998 i Frankrike. I europameisterskapen 2000 skåra han Tysklands einaste mål i turneringa, det tyske laget rauk elles rett ut etter å ha sanka eitt einaste poeng i gruppespelet.
Merittar endre
- Europameister: 1996 for Tyskland
- Vinnar av meisterligaen: 2001 med Bayern München
- Vinnar av UEFA-cupen: 1996 med Bayern München
- Tysk seriemeister: 1994, 1997, 1999, 2000, 2001, 2003, 2005 og 2006 med Bayern München
- Tysk cupmeister: 1998, 2000, 2003, 2005 og 2006 med Bayern München
Kjelder endre
- Denne artikkelen bygger på «Mehmet Scholl» frå Wikipedia på tysk, den 25. august 2018.