Michael Kamen
Michael Arnold Kamen (15. april 1948–18. november 2003) var ein amerikansk komponist, orkesterarrangør, dirigent, låtskrivar og studiomusikar. Han er særleg knytt filmmusikk.
| Michael Arnold Kamen | |||
| Fødd | 15. april 1948 | ||
|---|---|---|---|
| Fødestad | New York by | ||
| Død | 18. november 2003 (55 år) | ||
| Dødsstad | London | ||
| Fødenamn | Michael Arnold Kamen | ||
| Opphav | USA | ||
| Aktiv | 1976–2003 | ||
| Sjanger | Filmmusikk | ||
| Instrument | Obo | ||
| Plateselskap | Atco Records | ||
| Verka som | Komponist | ||
Kamen vart fødd i New York i USA og studerte ved The New York High School of Music & Art, så The Juilliard School for Music Dance and Drama, der han lærde å spele obo. Han grunnla deretter New York Rock & Roll Ensemble på slutten av 1960-talet, som spelte klassisk rock liknande det Electric Light Orchestra kom til å framføre seinare. Kamen spelte obo og keyboard såvel som komponerte. Songen «Sing Lady Sing» som han skreiv, bytte namn og vart ein hit med Buddy Miles.
Arbeida hans med artistar er omfattande og inkluder blant anna David Gilmour og Roger Waters. Han er ein av få personar som har vorte invitert til å arbeide med begge Pink Floyd-medlemmane etter brotet deira. I 1990 vart han med fleire andre gjester på Roger Waters si massive førestilling av The Wall i Berlin.
Kamen skreiv elleve ballettar og skreiv filmmusikk for ein heil del filmar. Han var nominert for to Grammyprisar, to Golden Globeprisar og ein Emmypris. Han fekk BAFTA-prisen saman med Eric Clapton for beste originalmusikk etter serien Edge of Darkness som gjekk på BBC i 1985.
Kamen vart diagnostisert med multippel sklerose i 1997, men døydde av eit hjarteinfarkt. Det siste innspelte verket hans er på Kate Bush-albumet Aerial som kom ut november 2005.
Utval av artistar endre
Utval av filmmusikk endre
- 1982 - Pink Floyd: The Wall
- 1985 - Brazil
- 1985 - Edge of Darkness (serie, samarbeid med Eric Clapton)
- 1986 - Highlander
- 1987 - Lethal Weapon (Dødelig våpen)
- 1988 - Die Hard
- 1989 - James Bond - Lisence to kill (Med rett til å drepe)
- 1989 - Lethal Weapon 2 (Dødelig våpen)
- 1990 - Die Hard 2
- 1991 - Robin Hood: Prince of Thieves (Tyvenes prins)
- 1992 - Lethal Weapon 3 (Dødelig våpen)
- 1995 - Die Hard i New York (orig: Die Hard: With a Vengeance)
- 1998 - Lethal Weapon 4 (Dødelig våpen)
- 1998 - From the Earth to the Moon (Serie)
- 2000 - X-Men
- 2001 - Band of Brothers (Serie)
Kjelder endre
- Denne artikkelen bygger på «Michael Kamen» frå Wikipedia på bokmål, den 22. februar 2011.