Minusinsk

Minusinsk (russisk Минуси́нск) er ein historisk by i Krasnojarsk kraj i Russland med om lag 65 000 innbyggjarar. Han ligg rundt 275 km sørvest for Krasnojarsk.

Minussinsk Минусинск
Horisonten til Minussinsk
Byvåpenet til Minussinsk
Plassering
Styresmakter
Land	Russland
Føderasjonssubjekt	Krasnojarsk kraj
Grunnlagd Bystatus	1739 1822
Borgarmeister	Anatoli Kekin
Geografi
Flatevidd  - By	62 km²
Innbyggjarar  - Totalt (2008)    - folketettleik	66 770   1 076,9 /km²
Koordinatar	53°42′00″N 91°41′00″E
Høgd over havet	250 moh.
Tidssone - Ved sommartid	KRAT (UTC+7) KRAST (UTC+8)
Diverse annan informasjon
Postnummer	66260x
Retningsnummer (tlf)	(+7)39132
Nettstad: minusinsk.info

Minusinsk ligg midt i Minusinsksenkinga, som truleg er det viktigaste arkeologiske området nord for Pazyryk. Det er assosiert med Afanasjevokulturen, Tasjtykkulturen og Tagarkulturen - alle kalla opp etter busetnader nær Minusinsk.

Den russiske busetnaden Minjusinskoje (russisk: Минюсинское) vart grunnlagt i 1739, på staden der elva Minusa renn saman med Jenisej. Stavinga vart endra til Minusinskoje (russisk: Минусинское) i 1810.

Minusinsk Steppe, av Vasilij Surikov

Innan 1822 hadde busetnaden vorte eit regionalt senter for jordbruk og transitthandel og fekk byrettar og det nye namnet Minusinsk. På 1800-talet var han eit senter for kulturelle aktivitetar i eit særs stort område. Martjanov Naturhistoriske Museum vart opna i byen i 1877.

Byen var òg ein stad for politisk eksil. Vladimir Lenin vitja Minusinsk ved fleire høve då han var i eksil i den nærliggande landsbyen Sjusjenskoje mellom 1897 og 1900. Under den russiske borgarkrigen var Minusinsk åstad for Minusinskopprøret i 1918.

Kjelder

• Denne artikkelen bygger på «Minusinsk» frå Wikipedia på bokmål, den 11. januar 2009.