Monica Grefstad
Monica Grefstad (fødd 12. oktober 1964) er ein norsk tidlegare friidrettsutøvar frå Trondheim som vart noregsmeister på 400 meter hekk i 1987 og 1988 og 100 meter hekk i 1993, 1994 og 1997.
| Monica Grefstad | |
| Statsborgarskap | Noreg |
| Fødd | 12. oktober 1964 (59 år) |
| Idrett | friidrett |
| Utmerkingar | |
Aktiv endre
Grefstad sikra seg i perioden 1985 til 1997 5 gullmedaljar, 8 sølvmedaljar og 5 bronsemedaljar i norske hovudmeisterskap i friidrett. Flest medaljar fekk ho i 100 meter hekk med 9 stk, 5 kom på langhekken, 3 på 100 meter og 2 på 200 meter. Under NM i friidrett 1993 vart ho tildelt kongepokalen etter å ha forbetra sin eigen norske rekord på 100 meter hekk til 13,26 sekund.
Sesongen 1993 sletta Grefstad den tolv år gamle noregsrekorden til Hilde Fredriksen på korthekken. Gjennom fire løp i Oslo, Birmingham og NM i Tønsberg flytta ho den til 13,38, 13,35, 13,33 og til sist 13,26 sekund. Året etter i juli forbetra ho den til 13,24 i Gävle og 13,14 i Edinburgh. I sitt livs beste løp, på Bislett stadion i Oslo den 22. juli 1994, sette ho norsk rekord med 13,09 sekund. Noregsrekorden gjaldt i 13 månader.
Plasseringar i internasjonale meisterskap endre
- VM 1993 i Stuttgart: Utslått i semifinalane (13,37=nr 20)
- EM 1994 i Helsinki: Utslått i semifinalane (13,11=nr 11)
- VM 1995 i Göteborg: Utslått i kvalifiseringa (13,30=nr 21)
Personbeste endre
- 100 meter : 11,76 (1994)
- 200 meter: 24,10 (1994)
- 400 meter: 56,09 (1987)
- 100 m hekk: 13,09 (1994)
- 400 m hekk: 59,04 (1991)
Grefstad var medlem i Ranheim IL til 1988, sidan 1989-90 i Fossum IF, 1991-92 Sportsklubben Vidar og frå 1993 i TIF Minerva.