Monthei Eriksen Haug

norsk politikar

Monthei Eriksen Haug (9. mars 186119. juni 1933) var ein gardbrukar og stortingsmann frå Nord-Odal i Hedmark. Han var medlem av Venstre.

Monthei Eriksen Haug
Fødd9. mars 1861
Død19. juni 1933 (72 år)
Statsborgar avNoreg
PartiVenstre
Yrkepolitikar
Alle verv

Haug var son til ein gardbrukar. Han tok underoffisereksamen ved det norske jegerkorps i 1882, og gjekk i 1885 på Sagatun Folkehøyskole. I 1889 tok han over farsgarden Haug og dreiv sidan denne. Frå 1891 var han medlem av heradsstyret i Nord-Odal, ordførar i perioden 1895-1901. Han var medlem av ei rekke utval, både kommunalt, på amtsnivå og på nasjonalt nivå. Mellom anna var han medlem av Parisdelegasjonen i 1904, og av vassdragslovskommisjonen.

Haug møtte på første gongen på Stortinget 10.-16. juli 1896, som 3. varamann frå Hedemarkens amt. I tida 1900-06 var han fast representant for same amtet, medan han 1906-09 representerte einmannskrinsen Vinger og Odalen. Heile tida 1900-09 var han medlem av Lagtinget og av landbrukskomiteen, sekretær for sistnemnde åra 1906-09.

Kjelder endre