Nevermore
| Nevermore Song av Queen frå albumet Queen II | ||
| Utgjeve | 8. mars 1974 | |
| Innspelt | August 1973 i Trident Studios, London | |
| Sjanger | Softrock, kunstrock | |
| Lengd | 1:26 | |
| Selskap | EMI (UK), Parlophone (Europe), Elektra (US) | |
| Tekstforfattar | Freddie Mercury | |
| Låtskrivar(ar) | Freddie Mercury | |
|---|---|---|
| Produsent | Roy Thomas Baker Queen | |
«Nevermore» er ein song av det britiske rockebandet Queen. Han var skriven av frontmannen Freddie Mercury, og er det åttande sporet på det andre studioalbumet deira, Queen II, spelt inn i august 1973 i Trident Studios i London.
Songen er ein kort pianoballade om kjenslene etter ei hjartesorg.
Den førre songen «The Fairy Feller's Master-Stroke» endar med ein tredelt harmonivokal frå Mercury, Brian May og Roger Taylor som flyt inn i pianoet til Mercury på «Nevermore». «Nevermore» vert leia av Mercury på piano, og han gjorde stort sett solo- og korvokalen sjølv. Mercury la òg på nokre moderne ring-effektar på pianoet. Ein trudde desse effektane var synthesiserar, men dei vart skapt av å klimpre på pianostrengane medan Mercury spelte notane. Songen inneheld nokre brå tempoendringar, som dukkar opp nokre gonger i songen. Somme tilhengjarar reknar denne songen som ein føregangar for den seinare songen «Love of My Life» på albumet A Night at the Opera.
Teksten er inspirert av diktet «The Raven» av den amerikanske forfattaren Edgar Allan Poe.
Andre versjonar endre
- Concrete Blonde
- Johnette Napolitano
- Akiko Yano har framført songen på konsertar nokre gonger.
- Midge Ure - «10» (2008)
Medverkande endre
- Freddie Mercury - solo- og korvokal, piano
- Brian May - korvokal
- Roger Taylor - korvokal
- John Deacon - bassgitar