Norges Kristelige Student- og Skoleungdomslag

Norges Kristelige Student- og Skoleungdomslag (NKSS), ofte berre kalla Laget, er ein kristen ungdomsorganisasjon som driv arbeid på skular og studiestader i heile landet. Den blei skipa i 1924 av mellom anna Carl Fredrik Wisløff og Ole Hallesby i samband med den lange og pågåande kyrkjestriden. NKSS høyrte til den meir konservative og pietistiske fløya av Norges kristelige studentforbund, men braut ut fordi forbundet hella mot liberal teologi.

Norges Kristelige Student- og Skoleungdomslag
Type	forening/lag/innretning
Org.nummer	971524650
Skipa	12. mars 1924
Hovudkontor	Holbergs plass
Leiar	Karl-Johan Kjøde
Motto	«Vi vil gjøre Jesus kjent på alle skoler og studiesteder i Norge så han blir trodd, elsket og etterfulgt.»
Nettstad	http://nkss.no

I Noreg er det om lag 230 registrerte skulelag på ungdomsskular, vidaregåande skular og høgskular, med omtrent 4 000 medlemmer. Laget sin visjon er å gjere Jesus kjend på skular og studiestader, under parolen: «så Han blir trodd, elsket og etterfulgt». Laget er også ein del av den internasjonale lagsrørsla International Fellowship of Evangelical Students (IFES)

Lagsrørsla sitt litteraturarbeid

Laget har gitt ut Credo Studentmagasin frå 1933. Same året blei også Credo Forlag etablert.

Bakgrunnsstoff

• Vidar Kristensen. Lagsfolk - Norges Kristelige Student- og Skoleungdomslag 1924 - 1994.
• Offisiell nettstad
• International Fellowship of Evangelical Students