Ole Andreas Krogness
Ole Andreas Krogness (fødd 23. mai 1886 i Trondheim, død 28. mai 1934 i Fana) var ein norsk fysikar. Han arbeidde for opprettinga av eit geofysisk institutt i Tromsø, og leia instituttet frå 1918 til 1922. Han var leiande i det geofysiske forskingsmiljøet i Nord-Noreg tidleg på 1900-talet.
| Ole Andreas Krogness | |||
 | |||
| Fødd | 23. mai 1886 Trondheim | ||
|---|---|---|---|
| Død | 28. mai 1934 Fana | ||
| Nasjonalitet | Noreg | ||
| Yrke | fysikar, meteorolog, geofysikar | ||
| Alma mater | Universitetet i Oslo | ||
| Barn | Synnøve Louise Holbæk-Hanssen | ||
Tidleg liv og karriere endre
Krogness var son av presten Ole Andreas Tangen Krogness (1832–1887) og hustru Christiane Augusta Lindeman (1850–1928).[1] Farfaren var politikaren Ole Andreas Krogness. Oldefar på morssida var Ole Andreas Lindeman.
Han tok examen artium i 1904, og cand. real.-eksamen frå Universitetet i Oslo i 1912. Frå 1908 arbeidde han som assistent for Kristian Birkeland.
I juni 1912 vart han gift med Dagny Vegerd Guldberg, dotter av legen Carl Johan Guldberg. Dei fekk fem barn. Dottera Synnøve, født i 1915, vart sidan gift med økonomen Leif Holbæk-Hanssen.
Seinare karriere endre
I 1912 vart Krogness tilsett som direktør for observatoriet på Haldde. Han flytta dit med familien, og fekk i 1915 selskap av Olaf Devik med familie. Saman foreslo dei to opprettinga av eit geofysisk institutt i Tromsø, og dei flytta dit i 1918. Krogness vart leiar for Vervarslinga for Nord-Noreg fram til 1922. Han var styremedlem for Tromsø museum frå 1919 til 1923 og styreformann frå 1923 til 1928. Komiteen for de Vitenskapelige Institusjoner i Tromsø foreslo opprettinga av eit universitet same stad.
Frå 1928 var han professor i jordmagnetisme og kosmisk fysikk ved Bergens Museum. Stillinga var nyoppretta.
Han er tildelt ridderordenen av Æreslegionen og offisers grad av Italias kroneorden.
Kjelder endre
- Denne artikkelen bygger på «Ole Andreas Krogness» frå Wikipedia på bokmål, den 13. juni 2013.
- Wikipedia på bokmål oppgav desse kjeldene:
- ↑ Asgeir Brekke (2002). «Ole Andreas Krogness». Norsk biografisk leksikon (på norsk) (Kunnskapsforlaget).