Paul Samuelson

amerikansk økonom

Paul Anthony Samuelson (15. mai 191513. desember 2009) var ein USA-amerikansk økonom frå Gary i Indiana, USA som fekk Nobelprisen i økonomi i 1970. Han var utdanna ved Harvard-universitetet i 1930-åra, der han vart sett på som eit vedunderbarn og mellom anna hadde Joseph Schumpeter og Vassilij Leontief som lærarar. Han fekk derimot professoratet sitt ved MIT.

Paul Samuelson

Fødd15. mai 1915
Gary
Død13. desember 2009
Belmont
NasjonalitetUSA
Områdemakroøkonomi
Yrkesamfunnsøkonom, professor, skribent
InstitusjonarMassachusetts Institute of Technology
MIT Sloan School of Management
University of Chicago
Alma materHyde Park Academy High School
University of Chicago
Harvard University
Harvard University
DoktorgradsrettleiarJoseph Schumpeter
Wassily Leontief
MedlemNational Academy of Sciences
American Academy of Arts and Sciences
International Economic Association
American Economic Association
Econometric Society
Royal Economic Society
Phi Beta Kappa
American Philosophical Society
Royal Society

I verket sitt Foundations of Economics frå 1947 reformulerte han heile den nyklassiske teorien i matematiske termar, og leverte seinare omfattande bidrag innan dei fleste områda av økonomifaget, mellom anna innan statisk og dynamisk likevektsteori, produksjons- og konsumentteori og handelsteori. Læreboka hans, Economics, frå 1948 er utan tvil den mest kjende og lesne læreboka i økonomi, og har seinare kome i nesten 20 utgåver og seld i millionar av eksemplar.

Samuelson var òg i alle år konsulent i økonomiske spørsmål for private og offentlege instansar og leverte, mellom anna gjennom faste spalter, eit utal innlegg om økonomiske spørsmål til ulike tidsskrift.