Pianokonsert nr. 9 av Mozart

Pianokonsert nr. 9 «Jeunehomme» i Ess-dur, K. 271, av Wolfgang Amadeus Mozart vart skriven i Salzburg i 1777, då Mozart var 21 år gammal.

Pianokonsert nr. 9 i Ess-dur

K. 271 Pianokonsert av Wolfgang Amadeus Mozart
Periode	Wienerklassisismen
Komponert	1777
Typisk lengd	32:03
Satsar/akter	3
Toneart	Ess-dur

Mozart i 1777, same året som konserten. Målt i Bologna av ein ukjend kunstnar

Verket har lenge vore kjend som «Jeunehomme-konserten». Det vart sagt at Mozart skreiv stykket for den franske pianisten Jeunehomme då ho vitja Salzburg. Musikkvitarane har derimot ikkje klart å identifisere kvinna som han skreiv stykket for. I nyare tid har Michael Lorenz hevda at kvinna var Victoire Jenamy (1749-1812), dottera til Jean-Georges Noverre, ein kjend dansar som var ein av dei beste venene til Mozart.

Struktur

Verket er skrive for piano, to oboar, to horn og Strykarar.

Det består av tre satsar:

1. Allegro, i Ess-dur og vanleg (C) takt
2. Andantino, i C-moll
3. Rondo (Presto), i Ess-dur

Mottaking

Kritikarane talar ofte varmt om dette verket. Charles Rosen har kalla det «kanskje det første utvetydige meisterverket i klassisismen». Alfred Brendel har kalla det «eit av dei store underverka i verda». Alfred Einstein kalla det «Mozarts Eroica».

Kjelder

• Denne artikkelen bygger på «Piano Concerto No. 9 (Mozart)» frå Wikipedia på engelsk, den 29. desember 2010.
  • Wikipedia på engelsk oppgav desse kjeldene:
• Girdlestone, Cuthbert (1964) Mozart and his piano concertos. New York: Dover Publications.
• Rosen, Charles (1997) The Classical Style: Haydn, Mozart, Beethoven. Norton: New York. Rosen's discussion of the work appears on s. 59-60.

Bakgrunnsstoff

• Konzert i Es („Jeunehomme“- oder „Jenamy“-Konzert“) KV 271: partitur og kritisk rapport (tysk) i Neue Mozart-Ausgabe
• Pianokonsert nr. 9: Fritt tilgjengelege notar på International Music Score Library Project.
• Michael Lorenz: The Jenamy Concerto