Pontevedra (stundom skrive Ponte Vedra) er ein by nordvest i Spania. Han er provinshovudstaden i provinsen Pontevedra i Galicia og har kring 80 000 innbyggjarar.

Pontevedra
Horisonten til Pontevedra
Horisonten til Pontevedra
Flagget til Pontevedra Byvåpenet til Pontevedra
Flagget til Pontevedra Byvåpenet til Pontevedra


Plassering
Pontevedra is located in
Styresmakter
Land  Spania
Autonom region Galicia
Provins Pontevedra
Borgarmeister Miguel Anxo Fernández Lores
Geografi
Flatevidd
 - By

117 km²
Innbyggjarar
 - Totalt (2008)
   - folketettleik

80 749
  690,2 /km²
Koordinatar 42°26′N 8°39′W / 42.433°N 8.650°W / 42.433; -8.650
Høgd over havet 20 moh
Diverse annan informasjon
Nettstad: www.pontevedra.eu

Historie endre

 
Ponte do Burgo, den gamle romarbrua som har gjeve namn til byen.

Ei lokal segn fortel at Pontevedra vart grunnlagd av Teucer, ein helt i trojakrigen.[1] Men historikarar og arkeologar er samde i at busetnaden truleg vart grunnlagd då Gallaecia (gamle Galicia) vart ein del av Romarriket rundt det første hundreåret fvt. Namnet på byen kjem frå det latinske Pons/Pontis (bru) og Veteris/Vetera (gammal), og Ponte(m)Vetera(m), «den gamle brua», som syner til den gamle romarbrua som kryssar Lérez. Brua står framleis. Etter romartida vart byen ein del av okngedømet til svebarane.

På 1100-talet vart Pontevedra eit viktig handelssenter. På 1400-talet nådde byen eit høgdepunkt som handels- og kommunikasjonssenter. Pontevedra var då ein av dei største byane i Galicia. Han var framleis ein handelsby på 1500-talet og fiske auka òg på denne tida. Frå hamna i Pontevedra vart det fritt leie ned elva og ut i havet, men etter kvart førte sedimentering i elva til at det ikkje lenger var mogeleg med stor skipsfart her.

På slutten av 1500-talet starta nedgangstida for byen. Situasjonen vart verre på 1600- og 1700-talet, etter kvart som hamna ikkje kunne nyttast lenger. I tillegg førte politiske avgjersler og familiekonfliktar til ein generell nedgang i handelen, og folk flytta frå byen. Faktisk vart folketalet halvert i denne tida. Epidemiar var òg ei medverkande årsak til dette.[2]

På byrjinga av 1800-talet var Pontevedra ein liten, uviktig by. Fiske, kunst og handverk heldt økonomien gåande. Likevel vart Pontevedra hovudstad i ein ny provins i 1833. Då jernbanen kom til byen på 1800-talet livna byen til liv att.

 
Hamna i Combarro

Då byen gjekk inn på 1900-talet var han det kulturelle og politiske senteret i Galicia. Byen var òg eit senter for galicisk nasjonalisme. Den spanske borgarkrigen (1936-1939) og det påfølgjande Franco-diktaturet (1939-1975) sette ein stoppar for utviklinga til Pontevedra. Politisk undertrykking og økonomisk harde tider tvinga mange bort frå byen. Det var først i 1960-åra at byen fekk industri og den lokale økonomien kom seg litt på fote att. Industrien førte derimot raskt til miljø- og helseproblem, og fleire av dei måtte til slutt stengast.

Tilhøva i byen betra seg då diktaturet enda i 1977.

Bakgrunnsstoff endre

  Wikimedia Commons har multimedia som gjeld: Pontevedra

Kjelder endre

  • Denne artikkelen bygger på «Pontevedra» frå Wikipedia på engelsk, den 4. november 2009.
    • Wikipedia på engelsk oppgav desse kjeldene:
    • Calo Lourido, F. et al. (2003): Pontevedra e o mar. Simposio de historia marítima do século XII ao XVI. Concello de Pontevedra, Pontevedra