Pravda
Pravda (Пра́вда, russisk for «sanning») er ei dagsavis på russisk som var det offisielle talerøyret for Sovjetunionens kommunistiske parti, og soleis òg det offisielle talerøyret for styresmaktene i Sovjetunionen, i tida frå 1918 til 1991. Avisa vart skipa som ei arbeidaravis i St. Petersburg i 1912, men vart flytta til Moskva i 1918.
Etter at Sovjetunionen vart oppløyst, har ei gruppe journalistar skipa ei internettside som nyttar same namnet, medan papiravisa Pravda vart seld til greske investorar. Avisa kjem framleis ut i Moskva.