Prekmurje
Prekmurje (ungarsk Muravidék, prekmurisk Prekmürsko[1]) er den austlegaste regionen i Slovenia. Han grensar til Ungarn i nordaust, Austerrike i nordvest, Kroatia i sør og den slovenske regionen Štajerska i sørvest. I tusen år var regionen ein del av Kongedømet Ungarn, i motsetnad til resten av Slovenia. Området har derfor sine særeigne språklege, kulturelle og religiøse trekk som ein ikkje finn i den andre områda av Slovenia.
Regionen er kalla opp etter elva Mura, som skil regionen frå resten av landet. Regionen er delt inn tre geografiske område. Det åslendete landskapet nord for Murska Sobota, kalla Goričko; det austlege slettelandet rundt Mura, kalla Ravansko, og det vestlege låglandet rundt Lendava, kalla Dolinsko.
Senteret i regionen er byen Murska Sobota. Den einaste andre større byen er Lendava. Andre stader er Dobrovnik, Turnišče, Beltinci og Črenšovci.
Bakgrunnsstoff endre
- Bilete av vassmølle i Mura Arkivert 2012-12-16 ved Archive.is
- Bilete frå Prekmurje Arkivert 2008-09-25 ved Wayback Machine.
Kjelder endre
- Denne artikkelen bygger på «Prekmurje» frå Wikipedia på engelsk, den 22. april 2009.
- Wikipedia på engelsk oppgav desse kjeldene:
- ↑ Források a Muravidék történetéhez/Viri za zgodovino Prekmurja, 292. s.