Robert Geoffrey Edwards (fødd 27. september 1925 i Manchester, død 10. april 2013) var ein britisk fysiolog og føregangsmann i reproduktiv medisin. Han spesialiserte seg på in-vitro fertilisering (IVF), også kjent som prøverøyrsbehandling. I samarbeid med kirurgen Patrick Steptoe klarte Edwards å utvikle metodar for å verte gravid gjennom IVF, og det førte til at det første prøverøyrsbarnet, Louise Joy Brown vart fødd 25. juli 1978. For denne innsatsen fekk han Nobelprisen i fysiologi eller medisin i 2010.

Robert Edwards

FøddRobert Geoffrey Edwards
27. september 1925
Batley
Død10. april 2013
Cambridge
NasjonalitetStorbritannia
Områdereproduksjonsmedisin
Yrkelege, fysiolog, biolog, forskar
InstitusjonarUniversity of Cambridge
Alma materBangor University
University of Edinburgh
EktefelleRuth Fowler Edwards
MedlemRoyal Society
Academia Europaea

Biografi endre

Robert Edwards gjorde teneste i den britiske hæren under andre verdskrigen. Mellom 1948 og 1951 tok han agronomutdanning ved University College of North Wales (UCNW), og i åra etterpå, mellom 1951 og 1957, studerte han genetikk ved Universitetet i Edinburgh. Her tok han han doktorgraden i 1955 med avhandling om embryonalutvikling hjå myser.

Rett etter studiene arbeidde Edwards i eitt år ved California Institute of Technology og i 1958 byrja han å arbeide ved National Institute for Medical Research i London. Frå 1963 tok han til ved Universitetet i Cambridge der han kom til å ha dei fleste arbeidsåra sine, og han er i dag professor emeritus der.

I 1968 starta Edwards samarbeidet med legen Patrick Steptoe, og det var deira forsking som førte til at verdas første prøverøyrsbarn, Louise Brown, vart fødd i 1978. I 1980 grunnla han verdas første IVF-klinikk, Bourn Hall i Cambridge. Som følgje av metoden som dei utvikla har over 4 millionar born vorte fødde ved hjelp av IVF til no.