Roztocze (ukrainsk Розточчя, Roztotsjtsja) er ei åsrekkje aust i det sentrale Polen og vest i Ukraina som stig opp frå Lublin-høglandet og strekkjer seg søraustover gjennom Solska-villmarka og over grensa til ukrainsk Podolia. Dei strekkjer seg kring 180 km og er 14 km breie. Den høgaste toppen i åsrekkja i Polen er Wielki Dział med 390 meter over havet, medan den høgaste toppen i Ukraina er Vysokyj Zamok på 409 meter over havet. I Polen ligg Roztocze i Lublin og Subkarpatiske voivodskap, medan dei i Ukraina strekkjer seg heilt til utkanten av Lviv. I 2011 vart åsane her eit biosfærereservat under UNESCO Biosphere Reserve. Den polske delen av åsane utgjer Roztocze nasjonalpark.

Roztoczeåsane kring Józefów

Galleri endre

Kjelder endre