Sacagawea

Sacagawea, òg Sakakawea og Sacajawea (kring 1788–20. desember 1812) var ei innfødd amerikansk kvinne av shoshonestammen som var med på Lewis og Clark-ekspedisjonen.

Sacagawea
Statsborgarskap	USA
Fødd	Truleg 16. mai 1788 Salmon
Død	12. desember 1812 (24 år) Fort Lisa
Yrke	oppdagar, tolk, Aitzindari
Ektefelle	Toussaint Charbonneau
Sacagawea på Commons

Lewis og Clark ved Three Forks

Charles Marion Russells måleri av Lewis og Clark med Sacagawea frå 1905.

Sacagawea vaks opp med hidatsafolket, som fanga ho som born. Ho var med som tolk og guide på utforskinga av dei vestlege delane av USA. Ho var systera til den lemhi-shoshonerske høvdingen Cameahwait, og gift med Toussaint Charbonneau, ein av medlemmane av Lewis og Clark-ekspedisjonen.

Saman med Lewis og Clark reiste Sacagawea heile vegen frå Nord-Dakota til Stillehavet i åra 1804 til 1806. Ho har vorte ein viktig del av mytane frå Lewis og Clark sine ekspedisjonar. Ho vert nytta som symbol for frigjering, verdi og sjølvstende for kvinner. Det finst ei rekkje statuar og minnesmerke vigd henne.

Ettermæle

I 2000 gav United States Mint ut ein eigen mynt, sacagaweadollaren, som ein heider til Sacagawea. Mynten har eit bilete av Sacagawea og sonen hennar, Jean Baptiste Charbonneau. I 2003 vart ho innvotert i Kvinnenes æresgalleri i USA.

Oppkallingar

• Sacagawea River, i Montana
• Lake Sakakawea, eit basseng i Missourielva i Nord-Dakota
• USS «Sacagawea», fleire amerikanske marineskip
• Sacagaweadollaren
• Mount Sacagawea, fjell i Fremont County, Wyoming, og Sacagaweabreen
• Sacajawea Patera, eit landemerke på planeten Venus

Kjelder

• Denne artikkelen bygger på «Sacagawea» frå Wikipedia på bokmål, den 18. oktober 2018.

Referansar

Litteratur

• Donald Jackson, Letters of the Lewis & Clark Expedition With Related Documents: 1783-1854. (University of Illinois Press, Urbana 1962).
• Lennart Lindberg (red), Nya indianboken. Biografisk handbok (Stockholm 1990).