Snøfrisk
Snøfrisk er ein fersk kremost laga av pasteurisert geitemjølk og kufløyte av det norske meierisamvirket TINE. Osten vart utvikla ved Sunnmøre Meieri fyrst på 1990-talet[1] og lansert til OL på Lillehammer i 1994.[2] Han vert produsert ved TINE Meieriet Vest Ørsta[3] og inneheld 80% geitemjølk og 20% kufløyte.[4] Osten vert seld i daglegvarehandelen i låge trekanta plastbeger som tek 125 gram. TINE produserer osten også i kuvertpakningar og spann for storhushaldningar.
| Snøfrisk | |||
| Land | Noreg  | ||
|---|---|---|---|
| Mjølketype | Pasteurisert geitemjølk og kufløyte | ||
| Ostetype | Kremost | ||
| Konsistens | Smørbar | ||
| Feitt | 25% | ||
I tillegg til den naturelle utgåva av Snøfrisk vert osten seld i variantar smaksett med pepar, dill og raudløk og timian.[2] Tidlegare har det også vore produsert variantar med einebær, peparrot og skogsopp.[5] TINE marknadsførte tidlegare Snøfrisk særleg for bruk i matlaginga, t.d. som smakshevar i sausar til vilt, medan fokus no er flytta meir over på Snøfrisk som pålegg.
Snøfrisk inneheld 25 prosent feitt og er frisk og syrleg med klår, men likevel runda geitemjølksmak.[2]
Tine har i seinare år også byrja produsere ein fast skorpeost av geitemjølk kalla Snøfrisk hvitost.
Referansar endre
- ↑ Bergljot Engeset (1996). «Snøfrisk». Geita. Oslo: Samlaget. s. 67. ISBN 8252146376.
- ↑ 2,0 2,1 2,2 «Snøfrisk Naturell». tine.no. Henta 19. november 2012.
- ↑ «Snøfrisk TINE». ostecomapgniet.no. Henta 19. november 2012.
- ↑ Kirsti Hagenes (1999). «Fersk ost». Produksjon av meieriprodukter. Oslo: Yrkesopplæring. s. 181. ISBN 8258513109.
- ↑ «Snøfrisk : en ost med mange muligheter». Ostecompagniet. Henta 19. november 2012.