Southland på New Zealand
Southland (maori Murihiku) er namnet på den sørlegaste regionen på New Zealand, og også namnet på eit distrikt i denne regionen. Regionen ligg lengst sør på Sørøya, og omfattar også den tredje største øya på New Zealand, Stewart Island/Rakiura, som ligg sør for Sørøya.
| Southland/Murihiku | |||
| region | |||
 | |||
| Land |  New Zealand
| ||
|---|---|---|---|
| Areal | 34 347 km² | ||
| Folketal | 93 800 (estimat juni 2008)) | ||
 Southland på New Zealand 45°42′S 168°06′E / 45.7°S 168.1°E | |||
 | |||
| Wikimedia Commons: Southland Region | |||
Historie endre
Southland Province (ein mindre del av den noverande regionen som låg kring Invercargill) var opphavleg ein del av provinsen Otago, men området danna sin eigen provins frå 1861 til 1870. Han gjekk då saman med Otago Province att på grunn av økonomiske vanskar, inntil provinsstyret opphøyrde i 1876.
Demografi og administrasjon endre
Busetnader endre
Dei to største og viktigaste bymessige områda i Southland er byen Invercargill og den mindre byen Gore. Southland dekkjer eit område på 28 681 m². I følgje eit estimat i juni 2008 var folketalet 93 800, noko som gjer regionen til eit av dei mest sparsamt busette områda på New Zealand. Det store vestlege området i regionen, Fiordland, er nesten utan permanent menneskeleg busetnad.
Styresett endre
- Southland Regional Council (Environment Southland) representerer regionalstyresmaktene og har sete i Invercargill.
Tre distrikt (Territorial Local Authorities) ligg innanfor Southland:
- Invercargill City Council administrerer sjølve byen Invercargill, og mindre tilstøytande landdistrikt.
- Southland District består av det meste av regionen, inkludert heile øya Stewart Island/Rakiura, og setet for distriktsstyret ligg i Invercargill.
- Gore District Council administrerer byen med same namn og landdistrikta omkring.
Nasjonalparkar og turisme endre
Nasjonalparken Fiordland National Park, som har ei flatevidd på 7 860 km², ligg i Southland. Southland omfattar òg Stewart Island/Rakiura, der mykje av landområdet er verna som Rakiura National Park.
Turisme er ein viktig faktor i økonomien til Southland. I 2003 la tilreisande att 368 millionar NZ$, av dette 92 millionar NZ$ i Fiordland.[1]
Sjå òg endre
Referansar endre
- ↑ Milford Sound Transport - Issues and Options Arkivert 2007-09-27 ved Wayback Machine. (GHD Ltd for Venture Southland, 2005)
- Denne artikkelen bygger på «Southland Region» frå Wikipedia på engelsk, den 18. november 2008.