Steinulf Tungesvik

Steinulf Tungesvik
	Steinulf Tungesvik
Fødd	24. desember 1965 (58 år)
Statsborgar av	Noreg
Parti	Senterpartiet
Yrke	politikar, advokat
Utdanna ved	Universitetet i Oslo
Far	Hans Olav Tungesvik
Verv	Statssekretær i Sosial- og helsedepartementet 29. januar 1999–17. mars 2000
Verv	Statssekretær i Samferdsledepartementet 21. oktober 2005–29. februar 2008
Verv	Leiari Noregs Mållag 2005
Føregangar	Endre Brunstad
Etterfylgjar	Nils Ulvund
Alle verv	statssekretær (Sosial- og helsedepartementet, 1999–2000); vararepresentant til Stortinget (2009–2013); statssekretær (Samferdsledepartementet, 2005–2008); statssekretær (Samferdsledepartementet, 2012–2012) ;

Steinulf Tungesvik (fødd 24. desember 1965) er ein norsk jurist og politikar. Frå 21. oktober 2005 var han statssekretær for Senterpartiet i Samferdsledepartementet under statsråd Liv Signe Navarsete i den raudgrøne regjeringa til Jens Stoltenberg, regjeringa Stoltenberg II.^[1] Han var til då leiar i Noregs Mållag (2005).

Tungesvik voks opp i Skånevik i Hordaland fylke, og er son av KrF-politikaren Hans Olav Tungesvik. Steinulf Tungesvik har juridisk embetseksamen og har arbeidd som forretningsadvokat. Han var politisk rådgjevar og seinare statssekretær for sosialminister Magnhild Meltveit Kleppa frå Sp i den fyrste Bondevik-regjeringa.^[2] Han var sentral i arbeidet med å setje i gang Norsk Ordbok 2014-prosjektet, som forfattar av forprosjektsrapporten Norsk ordbok 2014 - om vegen fram til fullføring av ordboksverket i 2014.

Tungesvik vart sterkt profilert under Slepp nynorsken til-kampanjen arrangert av Noregs Mållag i 2005. Han vart òg profilert som ein sterk forkjempar for eit nynorsk nettleksikon. Saka om nynorsk nettleksikon vart særskilt teke med i Soria Moria-erklæringa; "Regjeringen vil (...) stimulere til økt bruk av nynorsk i media, og bidra til finansiering av et nettbasert nynorsk leksikon."

I 2000 vart Tungesvik tilsett i Kluge advokatfirma i Oslo. I 2004 flytta han til Bergen, samstundes som han heldt fram i same selskap. I april 2005 vart han veld til leiar i Noregs mållag, eit verv han sa frå seg for å byrje i statssekretærstillinga i oktober same år.

Kjelder endre

↑ «Jens Stoltenbergs andre regjering». Regjeringa.no. Henta 10. juli 2017.
↑ «Kjell Magne Bondeviks første regjering». Regjeringa.no. Henta 10. juli 2017.

Målmann med mange ballar i lufta Dag og Tid

Denne artikkelen er ei spire. Du kan hjelpe Nynorsk Wikipedia gjennom å utvide han.

[Regjeringa-Stoltenberg_II-1] «Jens Stoltenbergs andre regjering». Regjeringa.no. Henta 10. juli 2017.

[Regjeringa-Bondevik_I-2] «Kjell Magne Bondeviks første regjering». Regjeringa.no. Henta 10. juli 2017.

[1]

[2]