Svein Ellingsen

Svein Ellingsen (13. juli 1929–5. april 2020) var ein norsk biletkunstnar og salmediktar.

Svein Ellingsen
Statsborgarskap	Noreg
Fødd	13. juli 1929 Kongsberg kommune
Død	5. april 2020 (90 år)
Yrke	kunstmålar, salmediktar

Biografi

Svein Ørnulf Ellingsen vart fødd på Kongsberg som son av murmeister Fritz Frølich Ellingsen (1878–1946) og blomsterbindar Karoline Enge (1888–1951). Han vart gift 1962 med Martha Ingegjerd Kallhovd. Skoletida på Kongsberg var vanskeleg for Svein Ellingsen, og etter gymnaset hadde han ein periode med mykje angst og depresjon. Svein Ellingsen studerte ved Statens Håndverks- og Kunstindustriskole i 1950–51, ved Bjarne Engebrets malarskole 1951–52, ved Statens Kunstakademi i 1952-55 og ved Statens lærerskole i forming i 1966-67. I studietida arbeidde han som frilansjournalist. I 1957–63 var han redaksjonssekretær i ukeavisa Vår Kirke . Han var òg nokre år kunstmeldar i Vårt Land. Frå 1963 til 1967 var han forlagssekretær i Chr. Schibsteds forlag , 1968–83 formingslærar ved Moland ungdomsskole. I 1976 vart han statsstipendiat.

Som kunstmålar har Ellingsen hatt mange separatutstillingar, og han har delteke på Høstutstillinga. Han publiserte salmetekstar tidleg i 1950-åra. Dei første samlingane hans, Det skjulte nærvær og Noen må våke, kom ut i 1978.

Svein Ellingsen er representert med salmar i Norsk Salmebok (1985) og i salmeboktillegget Salmer 1997 og dessutan i danske, finske, finlandssvenske, færøyske, islandske, tyske og amerikanske salmebøker og salmeboktillegg.

«Mange av Svein Ellingsens salmer er blitt folkeeige, som «Fylt av glede over livets under», «Vær sterk min sjel», «Gjennom denne dagens timer», «Noen må våke» og «Døden må vike for gudsrikets krefter».

Utmerkingar

• I 1977 mottok han Aust-Agder fylkes kulturpris
• I 1984 fekk han Brobyggerprisen
• I 1992 fekk han Fritt Ords Honnør
• I 1995 vart han utnemnd til riddar av St. Olavs Orden
• I 2001 fekk han Tekstforfatterfondets ærespris
• 3. september 2008 vart han gjeven æresdoktorat ved Det teologiske menighetsfakultet.
• I 2009 fekk han Petter Dass-prisen.

Bibliografi

• bidrag i Kunsten i kirkens historie. 1965
• Med hyllings ljod, antologi, 1966
• Det skjulte nærvær. 1. utg. 1978
• Noen må våke. 1978
• Under løftets høye himmel. 1981
• Så stilner livets jag. 1986
• Regler, rim og revestreker. 1986 (barnedikt)
• Vårt øye ser mot Betlehem. 1987
• Mens jeg her er tatt til side, (red.), dikt og bøner, 1989
• Det finnes en dyrebar rose. 1989
• Skjult som vind i treets krone, studiehefte, 1990
• Da tenner moder alle lys, (red.) antologi, 1991
• I lyset fra Guds fremtid. 1999 (dikt i utvalg)
• I lyset fra Guds fremtid, dikt i utvalg, 1999
• Alt ble med ett så stille. Salmer og bønner i sorg, 2002
• Du kommer til oss, Herre. En salme ved dåp av unge og voksne, 2005
• En bønn er gjemt i hjerteslagets rytme - salmer gjennom femti år. (2009)

Kjelder

• Norsk biografisk leksikon
• Vårt Land Arkivert 2009-12-05 ved Wayback Machine.