Tapio Räisänen
Tapio Räisänen (fødd 10. mai 1949) er ein finsk tidlegare skihoppar frå Taivalkoski. Han vart verdsmeister i storbakken i 1978, i Lahti i heimlandet Finland.
| Tapio Räisänen | |
|
| |
| Statsborgarskap | Finland |
| Fødd | 10. mai 1949 (74 år) Taivalkoski |
| Idrett | skihopping |
Räisänen har dei seinare åra drive eit ferieanlegg i Kuuharju i Lappland.
Aktiv endre
Räisänen debuterte internasjonalt 30. desember 1975 i Oberstdorf, utan å utmerke seg. Seinare i OL-sesongen vart han finsk meister i storbakken, og han vart beste finne med ein sjuandeplass i hopprennet i Lahti. I 1977 kom han på sjuandeplass i skiflygings-VM, som det året vart arrangert i Vikersund i Noreg.
Under VM 1978 i Lahti gjekk Räisänen overraskande heilt til topps i det jevne storbakkerennet; 0,3 poeng framom austerrikaren Alois Lipburger og 0,8 poeng føre aust-tyske Falko Weißpflog. Han gjorde eit godt renn også i normalbakken og kom då på sjetteplass.
Räisänens beste plassering i den tysk-austerrikske hoppveka kom i avslutningsrennet i Bischofshofen i 1979, der han vart nummer ni. Same sesongen vann han eit internasjonalt hopprenn i Sapporo i Japan. Han la opp som aktiv skihoppar i 1980.
Kjelder endre
- Sportsboken, aktuelle årgangar
- Denne artikkelen bygger på «Tapio Räisänen» frå Wikipedia på tysk, den 22. november 2012.
Bakgrunnsstoff endre
- (en) Tapio Räisänen – Profil og resultatoversikt hos FIS