Teramo

Teramo er ein by sentralt i Italia. Han er provinshovudstad i provinsen Teramo i regionen Abruzzo. Kommunen har om lag 55 000 innbyggjarar (2009).

Terramo
Klokketårnet i Teramo. Klokketårnet i Teramo.
Plassering
Styresmakter
Land Region Provins	Italia Abruzzo Teramo
Borgarmeister	Gianni Chiodi
Geografi
Flatevidd  - By	151 km²
Innbyggjarar  - Totalt (2005)    - folketettleik	52 695   317/km²
Koordinatar	42°39′N 13°47′E
Høgd over havet	265 m
Diverse annan informasjon
Postnummer	64100
Telefon-retningsnummer	0861
Nettstad: www.comune.chieti.it

Byen blei grunnlagd av romarane under namnet Interamnia, som tyder «mellom elvane», ettersom han ligg mellom elvane Vezzola og Tordino. Dette latinske namnet blir framleis nytta i visse samanhengar, som i namnet på Coppa Interamnia, den årlege internasjonale handballtevlinga for ungdom, og som nemning for asteroiden 704 Interamnia.

I lang tid var byen ein grensby mellom kongedømet Dei to Sicilia og Kyrkjestaten, og sidan det var vanskeleg med kommunikasjon med andre delar av Italia, var han isolert i lange tider. Gran Sasso-tunnellen har nyleg gjort Teramo langt meir tilgjengeleg.

Økonomien til byen er hovudsakleg basert på jordbruk og handel, i tillegg til industri som tekstil, mat, teknikk, byggmateriale og keramikk.

Historie

Interamna vart grunnlagd av praetutiarar (som i følgje gamle segner var knytt til fønikarar, medan forskarar i dag meiner dei var i slekt med ei anna nærliggande italisk stamme kalla Piceni) som hovudstaden deira. Han vart erobra av konsul Manius Curius Dentatus i 290 fvt. og omgjort til ein Municipium. Under forbundsfellekrigen (91-88 fvt.) tok dei Sulla si side, som tok bort kommunestatusen deira. Denne vart seinare gjenoppretta av Julius Cæsar.

Byen kom raskt i nedgang etter Vestromarriket sitt fal og vart så styrt under gotarar og austromarar, før det vart ein del av det lombardiske Hertugdømet Spoleto. I 1156 vart byen sett i brann av den normanniske greven Robert av Loretello og så bygd opp igjen med hjelpå av biskop Guido II. På 1300- og 1400-talet leid byen av striden mellom lokale familiar som til slutt enda med at dei hamna inn under Aragon. Litt seinare vart byen ein del av Kongedømet Napoli, der han vart hovudstad i provinsen Abruzzo Ulteriore fram til han vart annektert av Italia i 1860.

Under den andre verdskrigen gjorde innbyggjarane opprør mot den tyske okkupasjonen. Dette førte til at Teramo vart gjeven gullmedaljen for sivilt mot av Carlo Azeglio Ciampi den 15. september 2005. Byen vart frigjort frå nazistane og fascistane av Salò den 14. juni 1944.

Kjelder

Fotnotar

• Denne artikkelen bygger på «Teramo» frå Wikipedia på engelsk, den 5. desember 2007.

Bakgrunnsstoff

Commons har multimedium som gjeld: Teramo

Reiseguide for Teramo frå Wikivoyage

• Inside Abruzzo Arkivert 2019-05-22 ved Wayback Machine.
• Bilete