Thabo Mbeki
Thabo Mvuyelwa Mbeki (fødd 18. juni 1942) er ein sørafrikansk politikar for African National Congress (ANC).[1] Han var den andre presidenten i Sør-Afrika frå 14. juni 1999 til 13. juni 2008.[2]
| Thabo Mbeki | |||
 Thabo Mbeki Foto: Antonio Milena/ABr | |||
| Fødd | 18. juni 1942 (81 år) Mbewuleni | ||
|---|---|---|---|
| Statsborgar av | Sør-Afrika | ||
| Parti | ANC | ||
| Yrke | politikar, samfunnsøkonom | ||
| Utdanna ved | University of Sussex University of Sussex Hult International Business School Sør-Afrika-universitetet Randse Afrikaanse Universiteit Glasgow Caledonian University Universitetet i Stellenbosch University of London | ||
| Mor | Epainette Mbeki | ||
| Far | Govan Mbeki | ||
| Ektefelle | Zanele Dlamini Mbeki | ||
| Verv | President i Sør-Afrika 1999–2008 | ||
| Føregangar | Nelson Mandela | ||
| Etterfylgjar | Kgalema Motlanthe | ||
| Alle verv |
| ||
Liv og virke endre
Mbeki vart fødd i Idutywa i Transkei. Han var i politisk eksil frå 60-talet til ANC vart legalisert i 1990 og studerte økonomi ved University of Sussex.[3] Han var visepresident i landet mellom 1994 og 1999 og vart vald til president i 1999 og deretter gjenvald i 2004.
Trass i at han tidlegare var medlem av det sørafrikanske kommunistpartiet har han i stadig større grad vorte assosiert med nyliberalistisk økonomisk politikk, og vert rekna som arkitekten bak det sørafrikanske økonomiske reformprogrammet GEAR som har vore offisiell regjeringspolitikk sidan 1996.
Internasjonalt vart han òg kjend for det kontroversielle synet sitt på AIDS, han støttar seg til ei mindre gruppe vitskapsmenn som meiner at HIV-viruset ikkje er årsak til AIDS. I staden har han ved fleire høve ymta om at dei helsemessige konsekvensane ekstrem fattigdom fører med seg, som underernæring, kan vere ei av årsakene til sjukdomen.
Kjelder endre
- ↑ «Thabo Mbeki» i Store norske leksikon, snl.no.
- ↑ «Thabo Mvuyelwa Mbeki, Mr» (på engelsk). Government of South Africa. Henta 23. februar 2024.
- ↑ «Thabo Mbeki» (på engelsk). Encyclopedia Britannica. Henta 23. februar 2024.
Bakgrunnsstoff endre
Denne samfunnsartikkelen som har med Sør-Afrika å gjere, er ei spire. Du kan hjelpe Nynorsk Wikipedia gjennom å utvide han.