Thalassarche

fugleslekt
Thalassarche
Svartflekkalbatross, Thalassarche cauta Foto: JJ Harrison
Svartflekkalbatross, Thalassarche cauta
Foto: JJ Harrison
Systematikk
Underrekkje: Virveldyr Vertebrata
Overklasse: Tetrapodar Tetrapoda
Klasse: Fuglar Aves
Underklasse: Neognathae
Overorden: Aequornithes
Orden: Stormfuglar Procellariiformes
Familie: Albatrossfamilien Diomedeidae
Slekt: Thalassarche
Reichenbach, 1853

Thalassarche er ei biologisk slekt av albatrossar. Desse store stormfuglane er avgrensa til den sørlege halvkula, der dei òg er dei vanlegaste av alle albatrossar. Det er den største slekta i familien med i alt sju artar som er godkjente etter versjon 6.9 av Clementslista.

Thalassarche har den største variasjonen i storleik blant alle albatrosslekter, vengespennet varierer mellom 180 og 256 centimeter.[1] Fjørdrakta har vore skildra som ei måseliknande drakt, med mørk eller svart rygg, skulder og hale og lysare hovud, underside av venger og buk. Fleire artar har gjerne hovud med litt mørkegrått, eller har eit mørkt parti rundt auga. Dei har alle ei fargerik, rosa kjøttstripe frå munnvika til øyret som dei viser fram under oppvisingar. Dei har artspesifikke nebbstruktur og farge som gjer artane her enklare å identifisere enn andre albatrossar.[1] Nebba er anten farga sterkt oransje eller gule, eller dei er mørke med fleire gule linjer.

Artar endre

Thalassarche i rekkjefølgje etter IOC World Bird List V11.2, 2021,[2] med norske namn etter Norske navn på verdens fugler.[3] Estimat av populasjonar etter faktaark hos Verdas naturvernunion:[4]

Artsnamn Vitskapleg namn Status Populasjon År Trend Hekkeplassar Ref
Svartbrynalbatross Thalassarche melanophris LC 1 400 000 2003-2017 aukande Falklandsøyane og fleire øyar i Sørishavet [5]
Kvitaugealbatross Thalassarche impavida VU 43 000 2014 aukande Campbelløyane sør for New Zealand [6]
Svartflekkalbatross Thalassarche cauta NT 30 700 2005-2011 ukjend ved Tasmania (Utan underart T. c. steadi) [7]
Chathamalbatross Thalassarche eremita VU 11 000 2010 stabil Pyramiden, Chathamøyane aust for New Zealand [8]
Sølvhovudalbatross Thalassarche salvini VU 80 000 2014 ukjent Chathamøyane, Snareøyane og Bountyøyane [9]
Gråhovudalbatross Thalassarche chrysostoma EN 250 000 2010 minkande fleire øyar i Sørishavet [10]
Gulnasealbatross Thalassarche chlororhynchos EN 35 000-73 500 2010 minkande øyar i Sør-Atlanteren [11]
Kvithovudalbatross Thalassarche carteri EN 82 000 1998 minkande øyar i Sør-Indiahavet [12]
Kvitpannealbatross Thalassarche bulleri NT 50 000-100 000 2010 stabil Snareøyane, Solanderøya og Chathamøyane, New Zealand [13]

Verdas naturvernunion, IUCN, godtek òg følgjande takson som sjølvstendig art:

  • Thalassarche (cauta) steadi, (NT) 203 600 modne individ per 2014, minkande, hekkeutbreiing: Aucklandøyane og Antipodeøyane[14]

Kolonnar i tabellen over:

Status er arten sin kategori i den globale raudlista til Verdas naturvernunion, IUCN
Populasjon er estimert storleik på bestand av kjønnsmodne individ, total populasjon er gjerne langt høgare fordi albatrossar startar hekking først når dei er 5-10 år gamle
Ref er peikar til faktaark om arten hos Birdlife International

Kjelder endre

  • Robertson, C. J. R. (2003). «Albatrosses (Diomedeidae)». I Hutchins, Michael; Jackson, Jerome A.; Bock, Walter J.; Olendorf, Donna. Grzimek's Animal Life Encyclopedia. 8 Birds I Tinamous and Ratites to Hoatzins. Joseph E. Trumpey, Chief Scientific Illustrator (2 utg.). Farmington Hills, MI: Gale Group. s. 113–116. ISBN 0 7876 5784 0. 

Referansar endre

  1. 1,0 1,1 Robertson, C. J. R. (2003)
  2. Gill F, D Donsker & P Rasmussen (Eds). 2021. IOC World Bird List (v11.1). doi : 10.14344/IOC.ML.11.1 Henta 22. februar 2022
  3. Syvertsen, P. O., Bergan, M., Hansen, O. B., Kvam, H., Ree, V. & Syvertsen, Ø. 2020. Norske navn på verdens fugler. Norsk Ornitologisk Forening https://www.birdlife.no/fuglekunnskap/navn/
  4. BirdLife International (2022) Søk Species factsheet: Thalassarche Henta 22. februar 2022
  5. BirdLife International (2022) Species factsheet: Thalassarche melanophris Henta 22. februar 2022
  6. BirdLife International (2022) Species factsheet: Thalassarche impavida Henta 22. februar 2022
  7. BirdLife International (2022) Species factsheet: Thalassarche cauta Henta 22. februar 2022
  8. BirdLife International (2022) Species factsheet: Thalassarche eremita Henta 22. februar 2022
  9. BirdLife International (2022) Species factsheet: Thalassarche salvini Henta 22. februar 2022
  10. BirdLife International (2022) Species factsheet: Thalassarche chrysostoma Henta 22. februar 2022
  11. BirdLife International (2022) Species factsheet: Thalassarche chlororhynchos Henta 22. februar 2022
  12. BirdLife International (2022) Species factsheet: Thalassarche carteri Henta 22. februar 2022
  13. BirdLife International (2022) Species factsheet: Thalassarche bulleri Henta 22. februar 2022
  14. BirdLife International (2022) Species factsheet: Thalassarche steadi Henta 22. februar 2022