Tor Torgersen
Tor Torgersen (20. mars 1928–23. oktober 2020) var ein norsk friidrettsutøvar, lærar og idrettsleiar frå Drammen, død i Tønsberg. Han vann i alt seks NM-gull i friidrett: to på bane, eitt i maraton og tre i terrengløp og skogsløp.
| Tor Torgersen | |
| Statsborgarskap | Noreg |
| Fødd | 20. mars 1928 Drammen kommune |
| Død |
23. oktober 2020 (92 år) |
| Idrett | friidrett |
| Tok del i | |
Aktiv endre
27 år gammal sette Torgersen personbeste på 5000 meter med 14.46,2, og han vann den fyrste av sju NM-medaljar på bane. I 1956 forbetra han seg til 14.35,0 på distansen, og fekk notert 30.40,0 på mila. Frå 1957 hevda han seg heilt i toppen på langdistansane i Noreg, med bestetider som 29.54,4 på 10 000 meter og 14.15,6 på den halve distansen. Året etter sprang han i mål til tida 29.53,2 og ellevteplass i milløpet ved europameisterskapen iStockholm. Både denne tida og 14.17,0 på 5000 m var norske årsbeste.
Sommaren 1959 var Torgersen i sitt livs beste form. Tidleg i juli pynta han med 14.15,0 på 5000-meterrekorden sin. Den 17. juli, i landskamp mot Aust-Tyskland på Bislett stadion, forbetra han den fire år gamle noregsrekorden på 10 000 m, tilhøyrande Øistein Saksvik, med over 12 sekund. Tida 29.30,8 vart verande norsk rekord til Thor Helland sletta den i 1964. Seint i august 1959 var det returoppgjer mellom Aust-Tyskland og Noreg, her presterte Torgersen livsbeste på 5 000 m med eit løp på 14.13,8.
Torgersen kom på 26. plass i maratonløpet Sommar-OL 1960, over 12 minutt bakom sensasjonen Abebe Bikila frå Etiopia.
Medaljar i noregsmeisterskap endre
- 1955 i Oslo: Bronsemedalje på 5000 m
- 1956 i Stavanger: Sølvmedalje på 5000 m
- 1957 i Bergen: Sølvmedalje på 10 000 m
- 1958 i Trondheim: Sølvmedalje på 5000 m
- 1959 på Hamar: Gullmedalje på 5000 m og 10 000 m
- 1960 i Sarpsborg: Sølvmedalje på 5000 m
Trenar endre
Torgersen var gymnastikklærar ved Larvik gymnas. Han var også aktiv som trenar i Larvik Turn & Idrettsforening, der mellomdistanseløparen Lars Martin Kaupang vart han mest kjende elev. Også Larvik svømmeklubb drog nytte av trenar. Frå 1978 og 1981 var han trenar for det norske landslaget i symjing.
Kjelder endre
- Denne artikkelen bygger på «Tor Torgersen» frå Wikipedia på bokmål, den 30. juli 2023.