Wikipedia

Trenulețul

song frå 2021 med Zdob și Zdub og Frații Advahov
«Trenulețul»
Song av Zdob și Zdub og Frații Advahov

Land Moldova
Språk Rumensk og engelsk
Utgjeve 10. desember 2021
Sjanger Folk[1]
Lengd 03:00
Selskap MediaPro Music
Låtskrivar(ar) Zdob și Zdub, Frații Advahov

«Trenulețul» (rumensk uttale [trenuˈletsul], norsk omsetjing 'det litle toget') er ein song med det moldovske folk-punkbandet Zdob și Zdub og folkemusikk-duoen Frații Advahov. Songen var det moldovske bidraget til Eurovision Song Contest 2022, der han enda på ein sjuandeplass.

Om songen endre

«Trenulețul» – det litle toget – handlar om ein energisk og glad togtur mellom hovudstadane i Moldova og Romania: Chișinău og București. Ifølgje bandet kom musikkvideoen til songen ut same dag som attopninga av togruta mellom dei to byane.[2]

«Trenulețul» var det moldovske bidraget i Eurovision Song Contest 2022, etter at den moldovske ålmennkringkastaren Teleradio-Moldova valde låten gjennom ei tv-sendt auditionrunde 29. januar 2022.[3][4] Uttakinga vart halden i TRM Studio 2 i Chișinău, og ein ekspertjury kåra «Trenulețul» til vinnar. Blant kriteria juryen dømte etter, var stemmekvalitet og styrken i musikkomposisjonen.[5] Juryen bestod av Geta Burlacu (songar, representerte Moldova i 2008), Vali Boghean (songar og låtskrivar), Cristina Scarlat (songar, representerte Moldova i 2014), Victoria Cușnir (journalist) og Aliona Moon (songar, representerte Moldova i 2013).[6]

Eurovision Song Contest endre

Den 66. utgåva av Eurovision Song Contest vart arrangert i Torino I Italia, og bestod av to semifinalar 10. og 12. mai, i tillegg til finalen laurdag 14. mai 2022. Moldova var trekt til å delta i den fyrste semifinalen tysdag 10. mai.[7] Der kvalifiserte dei seg til finalen, der dei enda på ein sjuandeplass. Låten vart nummer to i telefonavrøystinga.[8]

Listeplasseringar endre

Liste (2022) Høgaste
plassering
  Island (Plötutíðindi)[9] 21
  Litauen (AGATA)[10] 14
  Nederland (Single Top 100)[11] 8
  Sverige Heatseeker (Sverigetopplistan)[12] 9
  Storbritannia (OCC)[13] 48

Kjelder endre

  1. ↑ Veen, Renske Ten (29. januar 2022). «Zdob și Zdub & Frații Advahov will represent Moldova at Eurovision 2022». Wiwibloggs. Henta 6. februar 2022. 
  2. ↑ «Song of the day: Zdob și Zdub & Frații Advahov - Trenulețul». Romania Insider (på engelsk). 17. januar 2022. Henta 7. mars 2022. 
  3. ↑ Granger, Anthony (28. januar 2022). «🇲🇩 Moldova: TRM to Select Eurovision 2022 Representative Tomorrow». Eurovoix (på engelsk). Henta 7. mars 2022. 
  4. ↑ «Cine va reprezenta Republica Moldova la Eurovision 2022 /VIDEO/». TRM (på rumensk). 29. januar 2022. Henta 7. mars 2022. 
  5. ↑ «🇲🇩 Moldova: TRM Reveals Format of Eurovision "Audieri LIVE"». Eurovoix (på engelsk). 27. januar 2022. Henta 7. mars 2022. 
  6. ↑ «Zdob şi Zdub return with Fraţii Advahov to represent Moldova 🇲🇩». Eurovision.tv (på engelsk). 29. januar 2022. Henta 7. mars 2022. 
  7. ↑ «First Semi-Final of Turin 2022». Eurovision.tv (på engelsk). Henta 7. mars 2022. 
  8. ↑ «Zdob şi Zdub & Advahov Brothers - Moldova - Turin 2022». Eurovision.tv (på engelsk). Henta 19. mai 2022. 
  9. ↑ «Tónlistinn – Lög» [The Music – Songs] (på islandsk). Plötutíðindi. Arkivert frå originalen 25. mai 2022. Henta 23. september 2022. 
  10. ↑ «2022 20-os savaitės klausomiausi (Top 100)» (på litauisk). AGATA. 20. mai 2022. Henta 20. mai 2022. 
  11. ↑ «Dutch Single Tip 21/05/2022». dutchcharts.nl (på nederlandsk). Henta 20. mai 2022. 
  12. ↑ «Veckolista Heatseeker, vecka 20». Sverigetopplistan. Henta 20. mai 2022. 
  13. ↑ «Official Singles Downloads Chart Top 100». Official Charts Company. Henta 21. mai 2022. 
Henta frå «https://nn.wikipedia.org/w/index.php?title=Trenulețul&oldid=3448610»