Vålerenga kyrkje
Vålerenga kyrkje er bygd i grå granitt med klebersteinsdetaljar, arkitektar er Heinrich Jürgensen og Holger Sinding-Larsen. Ho ligg på Vålerenga i Oslo og blei vigsla i 1902. Ho har eit asymmetrisk plassert tårn, og var den første i Oslo med eit slikt tårn. Kyrkja brann i 1979, berre ytterveggene i stein stod attende. Mellom anna gjekk fresko- og glasmåleri av Emanuel Vigeland tapt. Kyrkja blei vigsla på nytt etter omfattande gjenoppbygging i 1984. Nytt glasmåleri av Håkon Bleken og ei frise av Emanuel Vigeland.
| Vålerenga kyrkje | |||
| kyrkje | |||
 | |||
| Kyrkjesamfunn | Den norske kyrkja | ||
|---|---|---|---|
| Bispedøme | Oslo | ||
| Prosti | Oslo Domprosti | ||
| Sokn | Vålerenga | ||
| Fellesråd | Oslo | ||
| Arkitekt | Holger Sinding-Larsen og Heinrich Jürgensen | ||
| Innvigd | 1902/1984 | ||
 Vålerenga kyrkje 59°54′24″N 10°47′17″E / 59.90678°N 10.78797°E | |||
| Wikimedia Commons: Vålerenga kirke | |||
Brannen er tema for songen «Vålerenga kjerke» av Trond Ingebretsen, spela inn med Bjølsen Valsemølle. Songen blir sungen før avspark av tilhengjarane på Vålerenga Fotballs heimekampar.
Kulturminne endre
Vålerenga kyrkje er eit kulturminne og har nummer 85886 i Riksantikvarens kulturminnebase.
Bakgrunnsstoff endre
- Tekst og musikk på Klanens heimeside Arkivert 2007-09-28 ved Wayback Machine.
Kjelder endre
- Engh, Pål Henry og Gunnarsjaa, Arne. Oslo. En arkitekturguide. Oslo 1984. ISBN 82-00-05961-8
- Oslo byleksikon. Oslo 2000. ISBN 82-573-0815-3