Vaudeville

Vaudeville (av fransk vaux de ville, byen sin lyd) er eit musikalsk teater, lystspel eller syngespel. Underhaldningsforma er òg assosiert og forveksla med varieté, farse og revy.

Augusta Blad og Adam Poulsen i vaudevillestykket De Danske i Paris av J.L. Heiberg.

Vaudeville kom opphavleg frå Frankrike på 1700-talet. I Danmark skreiv Johan Ludvig Heiberg kjende vaudevillestykke.

Også i Noreg vart det skrive og framsynt vaudeville, mellom anna av Henrik Wergeland og av Henrik Anker Bjerregaard med Fjeldeventyret (1825) og Claus Pavels Riis med Til sæters (1850). Etter 1920-talet vart denne underhaldninga etterkvart erstatta av kino, radio og fjernsyn.