Verner Panton

Verner Panton (13. februar 1926–5. september 1998) var ein dansk møbelformgjevar og interiørarkitekt. Han laga nyskapande og futuristisk formgjeving i sterke fargar og i ulike materiale, særleg i plast. Formgjevinga hans vert ofte opplevd som svært «60-tal» med samband til optisk kunst og pop-kunst. Fleire av dei mest kjende møblane han formgav er framleis i produksjon i dag.

Verner Panton
Statsborgarskap	Danmark
Fødd	13. februar 1926 Gamtofte, Brahesborg
Død	5. september 1998 (72 år) København
Yrke	designar, arkitekt, universitetslærar, møbeldesigner, interiørarkitekt, tekstilkunstnar
Språk	dansk
Nettstad	http://www.verner-panton.com
Verner Panton på Commons

Panton var fødd i Gentofte. Han vart utdanna ingeniør i Odense, deretter studerte han ved Det Kongelige Danske Kunstakademi i København. Dei første to åra av karrieren (1950–1952) arbeidde han hjå Arne Jacobsen, der var han mellom anna med i arbeidet med stolen Mauren. Panton opna sitt eige teiknekontor i 1955. Mot slutten av 1950-talet byrja stolane han formgav å verte meir og meir ukonvensjonelle, utan bein eller klart utskild rygg. I 1960 formgav Panton den aller første heilstøypte injeksjonsforma plaststolen, Stacking chair eller S stolen, som vart det mest kjende og masseproduserte produktet hans.

På 1960-talet og i byrjinga av 1970-talet eksperimenterte Verner Panton med å formgje heile miljø, radikale og psykedeliske interiør med eigne bølgjande møblar, veggpolstringar, tekstilar og ljossetting. Allereie i 1960 innreidde han ein restaurant for Hotell Astoria i Trondheim, men interiøret vart teke ned att allereie etter tre år. Grunnen skal ha vore at det var for moderne og mørkt til å falle i smak i Trondheim då.

Panton døydde i København.

Bakgrunnsstoff

• panton.com
• Design av Verner Panton ved TAGWERC