Vilmos Varjú

Vilmos Varjú (10. juni 1937–17. februar 1994) var ein ungarsk friidrettsutøvar frå Gyula. Han vart europameister i kulestøyt i 1962, og forsvarte EM-tittelen fire år seinare. I mellomtida vann han bronsemedaljen i øvinga under dei olympiske sommarleikane i Tokyo 1964.

Vilmos Varjú
Statsborgarskap	Ungarn
Fødd	10. juni 1937 Békés
Død	17. februar 1994 (56 år) Budapest
Yrke	friidrettsutøvar
Høgd	189 centimeter

Aktiv

Varjú sette europarekord med 18,67 m i 1960, men deltok ikkje i OL. I 1962 vann han ein klar siger i kulestøyttevlinga under EM i Beograd. Han forbetra den personlege rekorden til 19,42 m i 1963, og støytte berre tre centimeter kortare i finalen under OL 1964 i Tokyo, ein prestasjon som gav han bronsemedaljen bak dei to suverene US-amerikanarane Dallas Long og Randy Matson.

I 1966 vart det klart for europameisterskap på heimebane i Budapest. Varjú skuffa ikkje, han forsvarte EM-tittelen med stor margin til andremann. Same sesongen forbetra han europarekorden med seks cm til 19,62 m. I 1970 sette han ny personleg rekord med 19,72 m, før han i 1971 la på til heile 20,45 m. Under EM 1971 i Helsingfors kom han på fjerdeplassen med 19,99 m, fem centimeter bak bronsevinnaren.

Varjú vart ungarsk meister i kulestøyt 1958-60 og 1963-72. Han flytta i si tid som akiv den ungarske rekorden 17 gongar, frå 16,63 meter til 20,45 m, hans endelege personlege bestenotering.

Medaljar og plasseringar i internasjonale meisterskap

• EM 1958 i Stockholm: Nr 7 – 16,77 m
• EM 1962 i Beograd: Gullmedalje – 19,02 m, framom Viktor Lipsnis (18,38 m)
• OL 1964 i Tokyo: Bronsemedalje 19,39 m, bakom Randy Matson (20,20 m)
• EM 1966 i Budapest: Gullmedalje – 19,43 m, framom Nikolaj Karasjov (18,82 m)
• OL 1968 i Mexico by: Utslått i kvalifiseringa (18,86 m =nr 13)
• EM 1969 i Athen: Nr 7 – 18,87 m
• EM 1971 i Helsingfors: Nr 4 – 19,99 m, bakom Władysław Komar (20,04 m)
• OL 1972 i München: Nr 8 – 20,10 m

Kjelder

• Denne artikkelen bygger på «Vilmos Varjú» frå Wikipedia på tysk, den 15. august 2014.
• Ymse Friidrott