Vitengarden
Vitengarden er eit museum og vitensenter som ligg på Kvia, ved tettstaden Nærbø, i Hå kommune. Anlegget opna som museum i 1995, og har sidan 2002 vore ei avdeling i Jærmuseet.
Museumsbygningane og museumstomta representerer skjeringspunktet mellom tradisjon og nyskaping. Bygningane ligg i eit gammalt jordbrukslandskap som ennå ber preg av det gamle Jæren. Inne i utstillingsbygget er det moderne vitensenterutstillingar. Under slagordet "Vitensenteret midt i matfatet" skal avdelinga formidla dei "grøne" naturvitskapane gjennom eksperiment og interaktive utstillingar. Ei anna rettesnor er 4H-slagordet "læra ved å gjera".
Vitengarden har eit årleg besøkstal på omkring 45000.
På Kvia ligg òg hovudsetet for Jærmuseet.
Kjelder endre
- Sjå Jæren 2010, årbok for Jærmuseet (Jærmuseet, Nærbø 2010).