Vsevolod Garsjin

Vsevolod Mikhailovitsj Garsjin (14. februar 1855–5. april 1888) var ein russisk forfattar.

Vsevolod Garsjin
Portrett av Vsevolod Garsjin (1884) av Ilja Repin.
Verkeleg namn	Всеволод Михайлович Гаршин
Statsborgarskap	Det russiske imperiet
Fødd	2. februar 1855, 14. februar 1855 Bakhmutsky Uyezd
Død	24. mars 1888 (33 år) St. Petersburg
Yrke	skribent, litteraturkritikar, lyrikar, kunstkritikar
Far	Mikhail Yegorovich Garshin
Mor	Ekaterina Stepanovna Akimova
Ektefelle	Nadezhda Zolotilova
Vsevolod Garsjin på Commons

Garsjin var fødd i Jekaterinoslav. Han studerte til bergingeniør i St. Petersburg då han vart kalla inn til krigsteneste i den russisk-tyrkiske krigen 1877-1878. Etter å ha vorte såra, skreiv han forteljinga Tjetyre dnja (Fire dage). Fire dage fortel om ein russisk soldat etterlaten på slagmarka for å døy, jamsides han ligg ein tyrkisk soldat som har falle for kulene hans. Forteljinga er ein open protest mot krigen, og viser sympati for alt liv. Andre kjende forteljingar er Attalea Princeps (1879), Krasnyj tsvetok (Den røde blomst, 1883), En opplevelse og andre. Den røde blomst hentar handlinga frå ein institusjon for sinnslidande, og er hans mest karakteristiske verk.

Garsjin skreiv med psykologisk innleving. Litteratar som Mikhail Saltykov-Sjtsjedrin, Anton Tsjekhov og Ivan Turgenjev sette stor pris på litteraturen hans.

Garsjin var manisk-depressiv og budde i periodar på lukka anstaltar. I 1888 tok han livet sitt i St. Petersburg ved å kaste seg utfor ein trappeoppgang.

Verk på norsk

• Fire fortællinger. 1892
• Seks fortællinger. 1893
• Nadeshda Nikolajevna. 1893
• Mindre fortællinger. 1894
• En nat. 1895
• Den raude blomen. 1895
• Den røde blomst og andre noveller. 1916

Kjelder

• Denne artikkelen bygger på «Vsevolod Garsjin» frå Wikipedia på svensk, den 24. januar 2011.

Fotnotar